بەس جىلعا سوزىلعان «كەلىن» تەلەحيكاياسى اياقتالادى
«تەلەكورەرمەندەر جەرگىلىكتى سالت بويىنشا ەرتە تۇرمىسقا شىققان جانە بوتەن وتباسىعا كەلىن بولىپ تۇسكەن كىشكەنتاي قىزدىڭ تاعدىرىنا بەيجاي قاراي المادى. ءوزىنىڭ ەڭبەكقورلىعىنىڭ، توزىمدىلىگىنىڭ جانە ۇلكەندەرگە دەگەن قۇرمەتىنىڭ ارقاسىندا اناندي قايىن جۇرتىنا تەز ءسىڭىپ كەتەدى. بۇل قاسيەتتەرىنىڭ ارقاسىندا قازاق كورەرمەندەرىنىڭ دە كوڭىلىنەن شىعادى»، - دەلىنگەن حابارلامادا.
«كەلىن» تەلەحيكاياسى سوڭعى بەس جىلدىڭ ىشىندە رەيتينگى جوعارى تەلەنوۆەللالاردىڭ قاتارىندا بولدى. وسى جىلداردىڭ ىشىندە حيكايادا باس رولدەردى سومداعان اكتەرلار دا بىرنەشە رەت اۋىستى. بالا كەزدەگى جانە بويجەتكەن انانديدىڭ ءرولىن ءۇش اكتريسا: اۆيكا گور، پراتيۋشا بانەردجي جانە توراد راسپۋترا سومدادى.
ەسكە سالا كەتسەك، 2014 -جىلى استاناعا اۆيكا گور، ال 2015 -جىلى انانديدىڭ جۇبايىنىڭ ءرولىن سومداعان سيددحارتح شۋكلا (شيۆا) كەلگەن بولاتىن. ءاربىر كەزدەسۋگە مىڭداعان جانكۇيەرلەر قاتىستى. «قازاقستان» تەلەارناسى كورەرمەندەرىنە بۇدان دا قىزىقتى تەلەحيكايالار ۇسىناتىندىعىن ءمالىم ەتكەن.
