20:15, 01 - اقپان 2017 | GMT +6
ۋكراينا ب ۇ ۇ قاۋپسىزدىك كەڭەسىن ءبىر اي باسقارادى
استانا. قازاقپارات - ب ۇ ۇ قاۋىپسىزدىك كەڭەسىنە بۇگىننەن باستاپ ءبىر اي ۋكراينا ءتوراعالىق جاسايدى. قاۋىپسىزدىك كەڭەسىنىڭ ءتوراعاسى مىندەتى ۋكراينانىڭ ب ۇ ۇ- داعى ەلشىسى ۆلاديمير ەلچەنكوعا وتەدى. ۋكراينا - ب ۇ ۇ قاۋىپسىزدىك كەڭەسىنىڭ تۇراقتى ەمەس 10 مۇشەسىنىڭ ءبىرى.
ب ۇ ۇ قاۋىپسىزدىك كەڭەسىندە ۆەتو قويۋ قۇقىعى بار تۇراقتى مۇشە بەس ەل بار: ا ق ش، رەسەي، قىتاي، ۇلى بريتانيا جانە فرانسيا. 10 تۇراقتى ەمەس مۇشە مەملەكەت ەكى جىلدا ءبىر سايلانادى.
كەلەسى ايدا قاۋىپسىزدىك كەڭەسىنە ءتوراعالىق ەتۋ مىندەتى ۋكراينادان ۇلى بريتانياعا وتەدى.
1 - قاڭتاردان باستاپ ب ۇ ۇ قاۋىپسىزدىك كەڭەسىنە قازاقستان دا كىرگەن. جىل باسىنان بەرى كەڭەستىڭ تۇراقتى ەمەس مۇشەلەرى قاتارىنا ءتورت ەل - بوليۆيا، ەفيوپيا، يتاليا جانە شۆەتسيا قوسىلعان.
