جاپون عالىمدارى ايدا وتتەگى يوندارىن تاپتى

استانا. قازاقپارات - زەرتتەۋ ناتيجەسى بويىنشا ءبىزدىڭ پلانەتاداعى پروتسەستەر ايعا تىكەلەي اسەر ەتەتىنىن راستالدى.

جەر اتموسفەراسىنىڭ وتتەگى بولشەكتەرى ايدا دا بار، دەپ حابارلايدى حابار 24 تەلەارناسى. وتتەگى بولشەكتەرى ايعا 2,4 ميلليارد جىل بۇرىن تۇسكەن. بۇل تۋرالى ءتيىستى زەرتتەۋ جۇمىستارىن جۇرگىزگەن وساكي ۋنيۆەرسيتەتىنىڭ ماماندارى حابارلادى. ولار مالىمەتتەردى پلانەتامىزدىڭ سەرىگىن زەرتتەۋ ءۇشىن 10 جىل بۇرىن ۇشىرىلعان «كاگۋيا» عىلىمي اپپاراتىنان تالداۋ جاساعان. ناتيجەسىندە ولار كۇن، جەر جانە اي ءبىر سىزىقتىڭ بويىندا بولعان كەزەڭدەردە جەر اتموسفەراسىنىڭ يوندارى ايعا ءتۇسىپ كەتۋى مۇمكىن ەكەندىگىن انىقتادى.

سونداي-اق جاپوندىق عالىمدار العاش رەت بۇل پروتسەسس 2,4 ميلليارد جىل بۇرىن باستالدى دەپ ەسەپتەيدى. ول كەزدە جەر اتموسفەراسىنىڭ وزگەرۋىنە جانە ونداعى بوس وتتەگى پايدا بولۋىنا اكەلگەن وتتەگى اپاتى بولعان. «جەردەگى وتتەگىنىڭ كوپ بولىگى فوتوسينتەزدىڭ تۇزىلۋىنەن وندىرىلەدى. ءبىزدىڭ زەرتتەۋ ءبىزدىڭ پلانەتاداعى پروتسەستەر ايعا تىكەلەي اسەر ەتەتىنىن راستايدى»، - دەپ اتاپ ءوتتى وساكي ۋنيۆەرسيتەتىنىڭ پروفەسسورى كەنتارو تەرادا.