10:57, 31 - قاڭتار 2017 | GMT +6
بەلارۋستە تراكتورلار جارىسى ءوتتى
استانا. قازاقپارات - بەلارۋستىڭ ۆيتەبسك وبلىسىندا تراكتورلار جارىسى ءوتتى. قاشىقتىعى 12 شاقىرىمدىق سايىس جولىنا 7 تراكتور شىققان، ونىڭ ءبىرى شىنجىر تاباندى.
جۇرگىزۋشىلەر شابىندىق جەرمەن ءجۇرىپ، سونداي- اق سۋ بوگەتتەرى مەن قولدان جاسالعان كەدەرگىلەردى ەڭسەرىپ، ءوز تەحنيكالارىنىڭ قۋاتتىلىعىن سىنادى.
جارىستى ۇيىمداستىرۋدىڭ ماقساتى - تراكتورلاردىڭ ەرەكشەلىكتەرىن كورسەتىپ، ونەركاسىپتەردىڭ بەدەلىن كوتەرۋ.
«بۇل ءۇش تراكتور زاۋىتتان جاڭا شىعارىلعان. سۋ جاڭا تەحنيكانى جۇرگىزۋشىلەر ءبىر جىل بويى پايدالانىلعان كولىكتەرمەن بىرگە جارىسقا الىپ شىقتى. بۇل ارقىلى ءبىز رەسەيدە، قازاقستاندا جانە بەلارۋستە قۇراستىرىلعان تراكتورلاردىڭ قۋاتتىلىعىن كورسەتۋدى ماقسات ەتتىك»، - مينسك تراكتور زاۋىتىنىڭ ديرەكتورى فەدور دوموتەنكو.
دەرەككوز: «حابار 24» ارناسى
