ۋنيۆەرسيادانىڭ اشىلۋ سالتاناتى تىكەلەي ەفيردەن كورسەتىلەدى
دودانىڭ اشىلۋ سالتاناتىن «قازاقستان» جانە «Kazsport» تەلەارنالارى تىكەلەي ەفيردە كورسەتەدى. ترانسلياتسيانىڭ باستالۋى 18:55-تە، دەپ حابارلايدى قازاقپارات.
الماتىدا وتەتىن دۇنيەجۇزىلىك قىسقى ۋنيۆەرسيادا ويىندارىندا ەل نامىسىن 12 سپورت تۇرىنەن 175 سپورتشى قورعايدى. بۇعان دەيىن حابارلاعانىمىزداي، ۋنيۆەرسيادانىڭ اشىلۋ سالتاناتىندا تەك قازاقستاندىق ارتىستەر، ورىنداۋشىلار، بيشىلەر ونەر كورسەتەدى. 28- بۇكىلالەمدىك قىسقى ۋنيۆەرسيادانى دايىنداۋ جانە وتكىزۋ جونىندەگى ديرەكسياسى ديرەكتورى نايل نۋروۆتىڭ ايتۋىنشا، اشىلۋ سالتاناتىن قويۋ، وڭدەۋ، دەكوراتسياسىن جاساۋعا تەك قازاقستاندىق كومپانيالار قاتىسقان. سونداي-اق، كەشە ۋنيۆەرسيادا ويىندارى باستالار ساتتە قازاقستان رەسپۋبليكاسىنىڭ مادەنيەت جانە سپورت ءمينيسترى ارىستانبەك مۇحامەدي ۇلى اتلەتيكالىق قالاشىققا بارىپ، سپورتشىلارعا ساتتىلىك تىلەدى.
اۆتور: ەربول جانات
