19:42, 27 - قاڭتار 2017 | GMT +5
يسلام كاريموۆقا قاستاندىق جاسالعانى تۋرالى كىتاپ جارىق كوردى
استانا. قازاقپارات- وزبەكستاننىڭ تۇڭعىش پرەزيدەنتى مارقۇم يسلام كاريموۆقا قاستاندىق جاسالعانى تۋرالى كىتاپ شىقتى. «سۋيكاسد» («قاستاندىق» ) دەپ اتالاتىن روماننىڭ اۆتورى اكبار ميرزا.

تاشكەنتتە يسلام كاريموۆتىڭ تۋعان كۇنىنە وراي كىتاپتىڭ تانىستىرىلىمى ءوتتى.
رومان مازمۇنى 1999 -جىلعى اقپانداعى ناقتى وقيعالارعا نەگىزدەلگەن. ول كەزدەرى ۋاحاببيتتەر تاشكەنتتە تەررورلىق اكت دايىنداعان بولاتىن. پرەزيدەنتكە قاستاندىق جاساۋدى دا جوسپارلاعان.
«سيۋجەت اۋىر سىناقتاردان سۇرىنبەي وتكەن ەرجۇرەك ەلباسىنىڭ وبرازىن كورسەتەدى. اۆتور قىلمىستىڭ ەگجەي- تەگجەيى قالاي اشىلعانىنا كەڭىرەك توقتالىپ، قۇقىق قورعاۋ ورگاندارىنىڭ جۇمىسىن جۇيەلى جازعان» - دەيدى وزبەكستان جازۋشىلار وداعىنىڭ مۇشەسى حابيب تەميروۆ.
تەراكت تاشكەنتتە 1999 -جىلدىڭ 16-اقپانىندا ورىن العان. تەررورشىلار نەگىزگى ۇكىمەتتىك وبەكتىلەرگە شابۋىل جاساۋدى كوزدەگەن.
دەرەككوز: http://www.vestikavkaza.ru