دونالد ترامپ وبامانىڭ كەي شەشىمدەرىنىڭ كۇشىن جويىپ ۇلگەردى

مىسالى، كيستوۋن مۇناي قۇبىرىن سالۋعا ۆەتونى الىپ تاستاپ، ترانس- تىنىق مۇحيتى ارىپتەستىگى كەلىسىمىنەن شىعۋ جونىندە جارلىققا قول قويدى. پرەزيدەنتتىك قىزمەتىنە كىرىسكەن دونالد ترامپ وبامانىڭ ەل اۋماعىنان وتەتىن «كيستوۋن ەكس- ەل» مۇناي قۇبىرىن سالۋعا قويعان تىيىمىن الىپ تاستادى. ءسويتىپ، كونگرەسس 2015 -جىلى بەكىتىپ، ءبىراق ۆەتو قويىلعان جوبانىڭ جولى اشىلدى.
پرەزيدەنت كانادامەن اراداعى مۇناي ماگيسترالى ەلدە 28 مىڭ جۇمىس ورنىن اشادى دەيدى. اق ءۇي باسشىسى سونداي- اق سولتۇستىك داكوتادان يللينويسقا مۇناي جەتكىزەتىن قۇبىردى سالۋعا دا قول قويدى. بۇل شەشىمدەرگە نارازىلىق ءبىلدىرىپ جاتقان بەلسەندىلەر بيلىك قورشاعان ورتاعا زيان جوبالاردى قولعا العانشا تازا ەنەرگيانى دامىتۋعا كۇش سالعانى دۇرىس دەگەندى ايتادى.
راۋل گريالۆا، دەموكراتيالىق پارتيانىڭ وكىلى:
- ءبىز باسقا باعىتتى تاڭداۋىمىز كەرەك. ول تازا، قايتا قالپىنا كەلەتىن، جەر شارىن قورعاپ، ءومىردى ساقتايتىن جول بولۋى قاجەت. ترامپتىڭ بۇل شەشىمى كورشى كانادا باسشىلىعىنىڭ قولداۋىنا يە بولدى. پرەمەر- مينيستر دجاستين تريۋدو جوبانىڭ ەكونوميكانى دامىتاتىنىن ءارى ءوز ەلىنە ءتيىمدى ەكەنىن ايتتى.
دجاستين تريۋدو، كانادا پرەمەر- ءمينيسترى:
- بۇعان دەيىن پرەزيدەنت دونالد ترامپپەن اڭگىمە كەزىندە كيستوۋن مۇناي قۇبىرى ماسەلەسى كوتەرىلگەن. مەن بۇل جوبانى قولدايمىن. ويتكەنى ول ەكونوميكالىق دامۋعا سەپتىگىن تيگىزىپ، البەرتادا جاڭا جۇمىس ورىندارىن اشادى. پرەزيدەنت ترامپتىڭ العاشقى قاۋلىلارىنىڭ ءبىرى ترانس- تىنىق مۇحيتى ارىپتەستىگى جونىندەگى ايماقتىق ەكونوميكالىق بىرلەستىككە قاتىستى بولدى. جاڭا بيلىك بۇل ۇيىمنان باس تارتتى. ازيا- تىنىق مۇحيتىندا قىزمەت پەن كەدەن سالىعىن تولىق جويۋدى كوزدەگەن كەلىسىم قۇراما شتاتتارعا ءتيىمسىز دەيدى اق ءۇي باسشىسى. الايدا اۆستراليا ۇكىمەتى ۇيىمنىڭ ا ق ش- سىزدا كۇنى قاراڭ بولمايتىنىن ايتسا، رەسمي توكيو بۇل قادامدى قولداعىسى جوق. سوندىقتان اق ءۇي باسشىسىن رايىنان قايتارۋعا تالپىنىس جاساماق.
سيندزو ابە، جاپونيا پرەمەر- ءمينيسترى:
- مەن پرەزيدەنت دونالد ترامپ ەركىن جانە ءادىل كەلىسىمنىڭ ماڭىزدىلىعىن تۇسىنەدى دەپ ويلايمىن. سوندىقتان كەزدەسۋدە ترانس- تىنىق مۇحيتى ارىپتەستىگى جونىندەگى ساۋدا كەلىسىمنىڭ ستراتەگيالىق جانە ەكونوميكالىق ماڭىزىنا كوڭىل اۋدارماقپىن. ال پرەزيدەنت ترامپ سولتۇستىك امەريكالىق ەركىن ساۋدا جونىندەگى كەلىسىم باپتارىن قايتا تالقىلاۋدى كوزدەپ وتىر. دۇيسەنبى كۇنى اق ءۇي باسشىسى كورشى مەكسيكا جانە كانادامەن كەلىسسوز جۇرگىزۋ تۋرالى قۇجاتقا قول قويدى. دونالد ترامپتىڭ مالىمدەۋىنشە، ەگەر قوس ەل ونى تالقىلاۋدان باس تارتسا، ۆاشينگتون بۇل شارتتان دا شىعۋعا دايىن.
www.24.kz