بويى ۇزىن بريتاندىقتىڭ ماشينا جۇرگىزۋىنە تيىم سالىندى

استانا. قازاقپارات - پوليتسيا 26 جاستاعى نيۋكاسل قالاسىنىڭ تۇرعىنى ادام ەلليوتتى Ford Ka كابريولەتتى جۇرگىزىپ كەلە جاتقاندا توقتاتقان. ءتارتىپ ساقشىلارىنىڭ نازارى جەل وتەتىن اينەكتەن باسى شىعىپ تۇرعان جۇرگىزۋشىگە تۇسكەن.

ولار ەلليوتتى اۆتوموبيلدى تۇرىپ جۇرگىزدى دەپ كۇدىكتەنگەن. بۇل تۋرالى The Telegraph باسىلىمى حابارلايدى.

الايدا، ماشينا ساتۋمەن اينالىساتىن ەر كىسىنىڭ بويىنىڭ ۇزىندىعى 200 سانتيمەترگە جەتكەن. كليەنتىنە ماشينا الىپ بارا جاتقان ول كولىككە سىيماعان.

سوتتىڭ كەزەكتى وتىرىسىندا ەلليوت ادۆوكاتىنىڭ نۇسقاۋىمەن ءوزىنىڭ كولىكتى قاۋىپتى جۇرگىزەتىنىن مويىنداعان. «ءسىز شاتىرى اشىلاتىن شاعىن كولىككە باسقا جۇرگىزۋشىلەرگە بويىڭىزدىڭ ۇزىندىعىن كورسەتە وتىرىپ مىنگەنىڭىز انىق. ءسىز باسقا جۇرگىزۋشىلەردىڭ نازارىن وزىڭىزگە اۋداردىڭىز، ال بۇل قاۋىپتى»، دەپ مالىمدەدى ءىستى قاراعان سۋديا.

 ەلليوتقا 27 - اقپان - سوتتىڭ كەلەسى وتىرىسىنا دەيىن ماشينا رۋلىنە وتىرۋعا تيىم سالىندى.