عالامتوردا جەمقورلىق جايىندا جازاتىن ورتاق الاڭ قاجەت - قوعامدىق ۋاكىل

«مەنىڭ قازىرگى قىزمەتىم مەملەكەتتىك لاۋازىم ەمەس. حالىق بىزگە عالامتوردا داۋىس بەرۋ ارقىلى تاڭدادى. بۇل - حالىقتىڭ سەنىمى. سوندىقتان ءبىز وسى سەنىمدى اقتاۋىمىز قاجەت. ءتورت قابىرعاعا قامالىپ قالماي، حالىقپەن تىكەلەي جۇمىس جاساۋ قاجەت. قازىرگى كەزدە ول جاعىنان مۇمكىندىك كوپ. ماسەلەن، بۇگىندە عالامتور ارقىلى كوپتەگەن اقپاراتقا قول جەتكىزۋگە بولادى. سەبەبى ءبارى اشىق جاريالانادى.
مەنىڭشە، عالامتوردا سىبايلاس جەمقورلىق فاكتىلەرى جايىندا حابارلاۋعا بولاتىن ورتاق ءبىر الاڭ بولۋى قاجەت. ويتكەنى ادامدار الەۋمەتتىك جەلىدە، يا بولماسا، باسقا ءبىر پورتالداردا ناقتى فاكتىلەر تۋرالى جازىپ جاتادى. ال ونىڭ بارلىعىن ءبىر ۋاقىتتا باقىلاۋ قيىن. سوندىقتان ورتاق ءبىر پورتالدىڭ بولعانى دۇرىس»، - دەيدى ءابدىراحمانوۆ.
ونىڭ ايتۋىنشا، جەمقورلىققا قارسى قوعامدىق ومبۋدسمەندەر جىلدىڭ اياعىنا دەيىن بارلىق ايماقتاردى ارالاپ، حالىقپەن كەزدەسىپ شىققاندى جوسپارلاپ وتىر. نەگىزگى ماقسات - كەرى بايلانىستى ورناتۋ. «جەمقورلىقتى قاعازبەن باقىلاۋدى قويۋ قاجەت. ايماقتارعا شىعىپ، حالىقپەن كەزدەسكەن ءجون. سول جەردە جەمقورلىققا تاپ بولعان ادامداردىڭ وزدەرىنەن بارلىق اقپاراتتى الىپ، سونى اياعىنا دەيىن جەتكىزگەن دۇرىس»، - دەپ اتاپ كورسەتتى قوعامدىق ومبۋدسمەن. ايتا كەتەيىك، قوعامدىق داۋىس بەرۋ ارقىلى ءتورت ومبۋدسمەن سايلانعان بولاتىن.
ولار - بالالار قۇقىقتارىن قورعاۋ جونىندەگى جەمقورلىققا قارسى قوعامدىق ومبۋدسمەن جاننا احمەتوۆا، بيزنەس پەن قارجى- ەكونوميكالىق سالانى قورعاۋ جونىندەگى قوعامدىق ۋاكىل دەنيس كريۆوشەيەۆ، سىبايلاس جەمقورلىق سالاسىنداعى زاڭنامانى ساقتاۋ جونىندەگى قوعامدىق ومبۋدسمەن سىرىم ءابدىراحمانوۆ جانە قۇقىق قورعاۋ مەن بيۋدجەت سالاسى قىزمەتكەرلەرىنىڭ قۇقىقتارىن قورعاۋ جونىندەگى ۋاكىل دينا ەلگەزەك.
اۆتور: ارمان اسقاروۆ