بولاشاقتا ەلىمىزدە جاھاندىق قاۋىپتەرگە قارسى وڭىرلىك ورتالىق قۇرىلۋى مۇمكىن
كەزدەسۋ بارىسىندا الداعى كەزەڭگە ارنالعان عىلىمي جانە ءبىلىم بەرۋ اسپەكتىلەرى بويىنشا اكادەميا مەن ە ق ى ۇ كەڭسەسى اراسىنداعى ىنتماقتاستىق ماسەلەلەرى تالقىلاندى. ۇلان بايجانوۆ ءوزىنىڭ العى سوزىندە اكادەميا جۇمىسىنىڭ نەگىزگى باعىتتارى مەن جوبالارى تۋرالى ايتىپ ءوتتى.
ەلشى دەرد سابو ءوز كەزەگىندە ۇلان بايجانوۆقا جىلى قابىلداعانى ءۇشىن العىس ايتىپ، اكادەميا بازاسىندا جاھاندىق قاۋىپتەرگە قارسى وڭىرلىك حاب(ورتالىق) قۇرۋ تۋرالى جوباعا قىزىعۋشىلىعىن ءبىلدىردى. حاب حالىقارالىق ەكسترەميزم مەن تەرروريزمگە قارسى كۇرەس، ەسىرتكى مەن قارۋدىڭ زاڭسىز اينالىمى، ادام ساۋداسى، كيبەرقىلمىس، قارجى قىلمىستارى مەن سىبايلاس جەمقورلىق ماسەلەلەرى بويىنشا زەرتتەۋ جانە وقىتۋ ورتالىعى رەتىندە قالىپتاسادى.
قازاقستاننىڭ گەوساياسي ورنالاسۋىن نازارعا الا وتىرىپ، حابتا قازاقستاندىقتارمەن بىرگە وزبەكستان، قىرعىزستان، تاجىكستان، تۇرىكمەنستاننىڭ، ال بولاشاقتا اۋعانستان مەن پاكىستاننىڭ قۇقىق قورعاۋ جانە ارنايى ورگاندارى قىزمەتكەرلەرىن وقىتۋ جوسپارلانىپ وتىر. قازىرگى ۋاقىتتا ترەنينگتەردى ۇيىمداستىرۋ ءۇشىن حالىقارالىق دارەجەدەگى ساراپشىلاردى تارتۋ بويىنشا شەتەلدىك سەرىكتەستەرمەن كەلىسسوزدەر جۇرگىزىلىپ جاتىر.
استاناداعى ە ق ى ۇ باعدارلامالار كەڭسەسىنىڭ وكىلى وڭىرلىك حاب اياسىندا جوسپارلانىپ وتىرعان وقىتۋ ءىس- شارالارىن ۇيىمداستىرۋعا، سونداي- اق وسى جوبانى حالىقارالىق ارەنادا ىلگەرى جىلجىتۋعا جاردەمدەسۋگە دايىن ەكەنىن ايتتى. كەزدەسۋ سوڭىندا رەكتور د. سابونىڭ ديپلوماتيالىق قىزمەتىنە ساتتىلىك تىلەپ، ەكىجاقتى قارىم- قاتىناستىڭ ودان ءارى نىعايۋىنا سەنىم ءبىلدىردى.
