بيىل قازاقستاندا اشىلاتىن جولدار
«اعىمداعى جىلى 361 شاقىرىم اۆتوجولدى تاپسىرۋ جوسپاردا بار، ياعني «استانا- تەمىرتاۋ» (100 شاقىرىم)، «استانا- پاۆلودار- سەمەي» (184)، «ورال- كامەنكا» (27)، «اقتوبە- اتىراۋ» (26)، «قاپشاعاي- تالدىقورعان» (24) جولدارى قامتىلىپ وتىر. اتاپ ايتقاندا، «استانا- تەمىرتاۋ» جولى ۋچاسكەسىندە جۇمىستاردى تولىقتاي اياقتاۋ جانە «قاپشاعاي- تالدىقورعاندى» پايدالانۋعا بەرۋ، سونداي- اق «تەمىرتاۋ- قاراعاندى» ۋچاسكەسى بويىنشا قوزعالىستى اشۋ قامتىلعان»، - دەدى «قازاۆتوجول» ۇ ك» اق باسقارما ءتوراعاسىنىڭ ورىنباسارى تەمىرحان مەڭدىعاليەۆ پارلامەنت ماجىلىسىندە مەملەكەت قارجىسىن ماقساتتى پايدالانۋدى باقىلاۋ بويىنشا «نۇر وتان» پارتياسى فراكسياسى جانىنداعى كوميسسيانىڭ وتىرىسىندا.
ونىڭ سوزىنە قاراعاندا، وتكەن جىلى قۇرىلىس ماۋسىمىنىڭ سوڭىندا كونكۋرس وتكىزىلىپ، قاراعاندى مەن تەمىرتاۋ ارالىعىندا سەمەنتتىك- بەتوندى جول جابىندىسى مەن جول ايىرىقتارىن سالۋ بويىنشا ءۇش مەردىگەر انىقتالدى. «ول ۋچاسكەگە جول قۇرىلىسىندا ايتارلىقتاي تاجىريبەلى ۇيىمدار كىردى، وسى ورايدا ولار جىل ىشىندە كوزدەلگەن بارلىق جۇمىستاردى ورىنداۋعا قاۋقارلى دەپ سانايمىز»، - دەدى ول.
سونىمەن قاتار 2017 -جىلى 1346 شاقىرىمدى قۇرايتىن جاڭا 27 ۋچاسكە بويىنشا جۇمىستاردى باستاۋ جوسپارلانىپ وتىر.
اۆتور: رۋسلان عابباسوۆ
