استانا اۋەجايى جاڭا تەرمينالىنىڭ مۇمكىندىكتەرى تانىستىرىلدى
بۇل تۋرالى بۇگىن ماجىلىستە مەملەكەت قارجىسىن ماقساتتى پايدالانۋدى باقىلاۋ بويىنشا «نۇر وتان» پارتياسى فراكسياسى جانىنداعى كوميسسيانىڭ وتىرىسىندا ءمالىم بولدى، دەپ حابارلايدى قازاقپارات.
«استانا اۋەجايى جاڭا تەرمينالىنىڭ جالپى اۋدانى 47 مىڭ شارشى مەتر. جولاۋشىلار وتكىزۋ قابىلەتتىلىگى جىلىنا 8,2 ميلليونعا دەيىن ارتادى نەمەسە ساعاتىنا 2,5 مىڭ ادام. ءتورت قاباتتان تۇرادى. الداعى 10 جىلدا جولاۋشىلار تاسىمالى بويىنشا ءبىزدىڭ اۋەجايدىڭ بارلىق قاجەتتىلىكتەرىن قاناعاتتاندىرادى»، - دەدى ق ر ي د م ازاماتتىق اۆياتسيا كوميتەتى اۋەجايلار باسقارماسىنىڭ باسشىسى امانتاي قوقاتايەۆ.
ونىڭ ايتۋىنشا، جوبانىڭ قۇنى 60 ميلليارد تەڭگەگە باعالانىپ وتىر، ونىڭ ىشىندە 39 ميلليارد تەڭگەسى ۇلتتىق قور قارجىسىنا تيەسىلى. بۇل قارجىنىڭ بارلىعى تولىق كولەمدە يگەرىلگەن كورىنەدى. قازىرگى ۋاقىتتا تەرمينالداعى قۇرىلىس جۇمىستارى تولىقتاي اياقتالىپ، جابدىقتاردى مونتاجداۋ جۇمىستارى اتقارىلۋدا.
«ەسكى جانە جاڭا تەرمينالداردىڭ اراسىن قوستىق. 2017 -جىلعا تاعى دا 5 ميلليارد تەڭگە قاراستىرىلعان. مامانداردىڭ باعالاۋى بويىنشا ورىندالعان جۇمىستاردىڭ كولەمى 75 پايىزعا جەتىپ وتىر»، - دەدى باسقارما باسشىسى.
اۆتور: رۋسلان عابباسوۆ
