ۇيلەنۋ تۋرالى ءساتسىز جاسالعان ۇسىنىس جەلىنى شۋلاتتى - كەسكىن

استانا. قازاقپارات - ا ق ش- تا ۇيلەنۋ تۋرالى جاسالعان ءساتسىز ۇسىنىستىڭ ۆيدەوسى جەلىنى شۋلاتتى.

ۆيدەو Atlanta Hawks كومانداسىنىڭ Youtube حوستينگىندەگى ارناسىندا پايدا بولدى.

باسكەتبول ماتچىنىڭ ۇزىلىسىندە وتكىزىلەتىن ءداستۇرلى ءسۇيىسۋ اكسياسىندا ەر ادام تاپقىرلىعىمەن تاڭعالدىردى. ۇلكەن ەكران كادرلارىنان ءوزىن كورگەن جىگىت قاسىندا وتىرعان قىزعا ۇيلەنۋ تۋرالى ۇسىنىس جاساپ، الدىن الا دايىنداعان ساقيناسىن شىعارادى.

الايدا جاستاردىڭ قۋانىشى ۇزاققا سوزىلمادى. جىگىتتىڭ ارتىندا تۇرعان دوسى ونى قۋانىشتان يتەرىپ قالعاندا قولىنداعى ساقيناسى ءتۇسىپ كەتەدى. ۆيدەودان قىزدىڭ ونىڭ ارەكەتىنە اشۋلانعانىن كورۋگە بولادى. ۆيدەوعا قاراعاندا، جۇزىك سول كۇيى تابىلماعان. ال قىزدىڭ اشۋىنا تاڭعالعان جەلى قولدانۋشىلارى جىگىتتىڭ دوسىنا كەيىن العىس ايتۋى مۇمكىن ەكەنىن دە ايتىپ، مىسقىلداپ جاتىر.