استانا پروتسەسىندە دوستىق احۋالدى قالىپتاستىرۋ ءۇشىن بارلىعىن جاسادىق - ءابدىراحمانوۆ

استانا. قازاقپارات - قازاقستان سيريالىق رەتتەۋ جونىندەگى حالىقارالىق كەزدەسۋدە (استانا پروتسەسى) دوستىق احۋال قالىپتاستىرۋ ءۇشىن بارلىق مۇمكىنشىلىكتى جاسادى.
None
None

بۇل تۋرالى كەزدەسۋ قورىتىندىسىنا وراي يران، رەسەي جانە تۇركيانىڭ بىرلەسكەن مالىمدەمەسىن جاريالاۋ بارىسىندا ق ر سىرتقى ىستەر ءمينيسترى قايرات ءابدىراحمانوۆ ايتتى، دەپ حابارلايدى قازاقپارات.

 «قازاقستاننىڭ ەلورداسى استانا سيريانى رەتتەۋ جونىندەگى حالىقارالىق كەزدەسۋدى قابىلدادى. بارلىقتارىڭىز دا بىلەسىزدەر، كەزدەسۋ رەسەي مەن تۇركيا پرەزيدەنتتەرىنىڭ استانانى سيريا ۇكىمەتى مەن قارۋلى وپپوزيتسيا اراسىنداعى سيريالىق ماسەلە بويىنشا كەلىسسوزدەر ورنى جاساۋ جونىندەگى باستاماسى نەگىزىندە ورىن الدى. قازاقستان پرەزيدەنتى نۇرسۇلتان نازاربايەۆ بۇل باستاماعا تولىقتاي قولداۋ كورسەتتى جانە بۇل پروتسەستى جۇزەگە اسىرۋ ءۇشىن قازاقستان ەلورداسىندا تۇعىرنامانى قامتاماسىز ەتۋگە دايىن ەكەندىگىن جاريا ەتتى. ءبىز حالىقارالىق جانە جەرگىلىكتى ب ا ق- تى قوسا العاندا بارلىق قاتىسۋشىلار ءۇشىن استاناداعى كەزدەسۋ بارىسىندا مۇمكىندىگىنشە دوستىق احۋالدى قامتاماسىز ەتۋ ءۇشىن بارلىعىن جاسادىق»، - دەدى ءابدىراحمانوۆ.

 سونىمەن قاتار س ءى م باسشىسى قازاقستان سيرياداعى احۋالدى رەتتەۋدەگى ب ۇ ۇ- نىڭ كوشباسشىلىق ءرولىن مويىندايتىندىعىن جانە ب ۇ ۇ باس حاتشىسىنىڭ ارناۋلى ەلشىسى ستاففان دە ميستۋرانىڭ كۇش- جىگەرىن جوعارى باعالايتىندىعىن اتاپ ءوتتى.

اۆتور: مارلان جيەمباي

سوڭعى جاڭالىقتار