سيريا كۇردتەرى استانا پروتسەسىندە قابىلداناتىن شەشىمدەردى ورىنداۋدان باس تارتتى

استانا. قازاقپارات - كۇردتىڭ ءوزىن-ءوزى قورعاۋ جاساقتارى استاناداعى سيرياارالىق كەلىسسوزدەر بارىسىندا قابىلداناتىن شەشىمدەردى ۇستانبايتىنىن ءمالىم ەتتى.

بۇل تۋرالى ۇيىمنىڭ مالىمدەمەسىندە ايتىلدى، دەپ حابارلايدى قازاقپارات.

«استاناداعى كونفەرەنسيانىڭ ناتيجەسى رەتىندە قابىلداناتىن قانداي دا ءبىر شەشىمدەردى ۇستانۋعا نيەتىمىز جوق... كەلىسسوزدەرگە قاتىسۋشى تاراپتار مەن جاقتاۋشى- مەملەكەتتەر سيرياداعى اۋقىمدى داعدارىستىڭ ءبىر بولىگى بولىپ تابىلادى جانە ولارعا سيريا حالقىنا قاجەتتى شەشىمدەر جەتىسپەيدى»، - دەپ كەلتىردى مالىمدەمە ءماتىنىن «ريا نوۆوستي» اگەنتتىگى. كۇردتەردىڭ پىكىرىنشە، داعدارىستى شەشۋ ءۇشىن سيريانى مەكەندەيتىن بارلىق ۇلتتار مەن كونفەسسيالار وكىلدەرىنىڭ قاتىسۋىمەن كونسۋلتاتسيالار وتكىزۋ قاجەت.