استانا پروتسەسى بويىنشا قورىتىندى قۇجاتقا قول قويىلۋى مۇمكىن
استانا. قازاقپارات - استانا پروتسەسى بويىنشا قورىتىندى قۇجاتقا قول قويىلۋى مۇمكىن.
بۇل جايىندا قازاقپارات تىلشىسىنە كەلىسسوزدەردى ۇيىمداستىرۋ شارالارىنا قاتىسى بار دەرەككوز ءمالىم ەتتى.
«قازىرگى ۋاقىتتا كەپىلگەر ەلدەر دەلەگاتسيالارى ب ۇ ۇ جاردەمىمەن كەزدەسۋدىڭ قورىتىندى قۇجاتى جوباسىمەن جۇمىس جاساۋدا. وندا قول جەتكىزىلگەن ۋاعدالاستىقتار بەلگىلەنۋى مۇمكىن»، - دەپ اتاپ ءوتتى ول.
ايتا كەتەيىك، استانا پروتسەسىنە 7 تاراپتىڭ وكىلى قاتىسۋدا. اتاپ ايتقاندا، سيريانىڭ ۇكىمەتتىك دەلەگاتسياسىن ب ۇ ۇ جانىنداعى وسى ەلدىڭ تۇراقتى وكىلى باسار ال-دجافاري باسقارادى. سيريالىق وپپوزيتسيا دەلەگاتسياسىندا شامامەن 15 وپپوزيتسيالىق توپتىڭ وكىلى بار. رەسەي دەلەگاتسياسىنا ر ف پرەزيدەنتىنىڭ سيريالىق رەتتەۋ ماسەلەلەرى جونىندەگى ارناۋلى وكىلى الەكساندر لاۆرەنتيەۆ باسشىلىق جاساۋدا. تۇرىك جانە يران دەلەگاتسيالارىنىڭ باسشىلارى اتالعان مەملەكەتتەردىڭ سىرتقى ىستەر مينيسترلەرىنىڭ ورىنباسارلارى - سەدات ونال مەن سادەك حۋسەين دجابەري انساري. مۇنان بولەك، سيريالىق داعدارىستى رەتتەۋ پروتسەسىنە ب ۇ ۇ باس حاتشىسىنىڭ سيريا جونىندەگى ارناۋلى وكىلى ستاففان دە ميستۋرا مەن قازاقستانداعى ا ق ش ەلشىسى دجورد كرول دە قاتىسىپ وتىر.
اۆتور: مارلان جيەمباي
