تولىسىپ كەتكەن ىشكى ىستەر قىزمەتكەرلەرىنە ارىقتاۋ مىندەتتەلدى

استانا. قازاقپارات - تاجىكستان ىشكى ىستەر ءمينيسترى رامازون راحيمزودا ارتىق سالماقپەن ءومىر سۇرەتىن تاجىك ميليتسيونەرلەرىنە جۇمىستارىن جوعالتىپ الماس ءۇشىن ارىقتاۋدى مىندەتتەدى، دەپ حابارلايدى قازاقپارات bbc.com سايتىنا سىلتەمە جاساپ.
None
None

«قىزمەتكەر تولىسىپ كەتتى، جۇمىسقا قابىلەتتىلىك تومەندەدى، ول كوپ تاماقتانىپ، از ەڭبەك ەتەدى. بۇعان ءبىر شارا قولدانۋ كەرەك. ايتپەسە، ول سالماق قوسۋدى جالعاستىرادى، ال بۇل جۇمىس ساپاسىنا اسەر ەتەتىن بولادى»، - دەپ اتاپ ءوتتى قالجىڭ ارالاستىرا تاجىكستان ىشكى ىستەر ءمينيسترى.

قىزمەتكەرلەردىڭ بىرىمەن سالاۋاتتى ءومىر سالتى جونىندە جاي عانا اڭگىمە جۇرگىزىلسە، بىرىنە جۇمىستى جوعالتىپ الماس ءۇشىن ارىقتاۋعا تاباندى تۇردە كەڭەس بەرىلۋدە. تاجىكستان ءى ءى م-نىڭ باسپا ءسوز قىزمەتى ەل ميليتسيونەرلەرىنە ۇدايى سپورتپەن شۇعىلداناتىن ءمينيستردى ۇلگى ەتتى.

«ونىڭ فۋتبولدا كورسەتكىشتەرى جاقسى، ول شاحماتتى تاماشا وينايدى. ءوز مينيسترلەرىنەن ۇلگى الۋى كەرەك»، - دەدى تاجىكستان ءى ءى م باسپا ءسوز قىزمەتىنىڭ جەتەكشىسى ۋماردجوني ەمومالي. بۇل رەتتە، دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرىنە سايكەس، تاجىكستان تۇرعىندارى پوستكەڭەستىك ەلدەر اراسىندا سەمىزدىككە ەڭ از شالدىعادى. ەلدە ارتىق سالماقتان ەرلەردىڭ - 9، ايەلدەردىڭ 15 پايىزى زارداپ شەگەدى. بۇل پوستكەڭەستىك كەڭىستىكتە ەڭ تومەن كورسەتكىش.

سوڭعى جاڭالىقتار