استانا پروتسەسى: ەۋروپارلامەنت دەپۋتاتى سيريانىڭ بولاشاعىن ويلاۋعا شاقىردى
«استانادا قازىردىڭ وزىندە سيريالىق رەتتەۋگە قاتىستى ىلگەرىلەۋ ورىن الدى. بارلىق تاراپتاردىڭ كەلىسسوزدەردىڭ ءبىر ۇستەلى باسىنا وتىرۋىنىڭ ءوزى وڭ ناتيجە. ياعني، بۇعان دەيىن ول مۇمكىن بولماعان ەدى. سيريانىڭ قارۋلى وپپوزيتسياسى مەن ۇكىمەت وكىلدەرى ءبىر-ءبىرىنىڭ كوزىنە تىك قاراۋ مۇمكىنشىلىگىن الدى. ال بۇل قازىرگى ساتتەگى ۇلكەن جەتىستىك»، - دەدى مامىكينس.
دەگەنمەن ەۋروپارلامەنت دەپۋتاتى مۇنىڭ جەتكىلىكسىز ەكەندىگىن مويىنداي كەلە قارۋلى قاقتىعىستى دوعارۋ رەجىمىنىڭ نىعايا تۇسۋىنە ءۇمىت ارتاتىندىعىن باسا ايتتى. سونىمەن قاتار ول استانا كەلىسسوزدەرى اياسىندا سيريا ۇكىمەتى مەن وپپوزيتسيا وكىلدەرى وزدەرىنىڭ وركوكىرەكتىگىن باسىپ، جەكە باستارىنىڭ پايداسى ەمەس مەملەكەتتىڭ مۇددەسىنە مويىن بۇراتىندىعىنا ءۇمىت ارتاتىندىعىن باسا ايتتى.
مامىكينس قازاقستان پرەزيدەنتى نۇرسۇلتان نازاربايەۆتىڭ استانا كەزدەسۋىن ۇيىمداستىرۋداعى ەڭبەگىنە دە ايرىقشا توقتالىپ ءوتتى.
«پرەزيدەنت نازاربايەۆ تاراپتاردىڭ كەلىسسوزدەردىڭ ءبىرىڭعاي ۇستەلىنە وتىرۋى ءۇشىن قولىنان كەلگەننىڭ ءبارىن جاسادى. قازاقستان باسشىسىنىڭ جەكە ساياسي رەيتينگىسىنىڭ وتە جوعارى ەكەندىگىن جانە ونى تىڭدايتىندىعىن ەستەن شىعارماۋ قاجەت»، - دەدى ول.
اۆتور: مارلان جيەمباي
