سۋرەتتەر سويلەيدى: استانا پروتسەسى وتۋدە

استانا. قازاقپارات- استانا پروتسەسى كەلىسسوزدەرى ءارتۇرلى بولمەدە وتۋدە. دەلەگاتتار ءتيىمدى جۇمىس ىستەۋگە مۇمكىندىك بەرەتىن بارلىق جاعدايدىڭ جاسالعانىن ايتۋدا.

قازاقستان كەلىسسوزدەردىڭ مەدياتورى ءارى قابىلداۋشى تاراپ رەتىندە ونى لايىقتى دەڭگەيدە وتكىزۋدى قامتاماسىز ەتۋگە تولىقتاي دايىن بولىپ شىقتى.

كەلىسسوزدەر ەلوردانىڭ «ريكسوس» پرەزيدەنتتىك قوناق ۇيىندە اشىلدى، وعان جەتى تاراپتىڭ وكىلى قاتىسۋدا.

سيريا جانجالى جونىندەگى استانا پروتسەسىنە قاتىسۋ ءۇشىن رەسەي، يران، تۇركيا دەلەگاتسيالارى، ب ۇ ۇ مەن ا ق ش وكىلدەرى كەلدى. جالپى سەسسيا بارىسىندا تەك قازاقستاندىق تاراپتىڭ عانا مالىمدەمەسى بارلىق دەلەگاتتار تارابىنان باستان- اياق بىرەگەي قوشەمەتكە يە بولدى.

كەلىسسوزدەرگە سيريالىق تاراپتان جانجالدىڭ نەگىزگى وشاقتارىندا ءىس- قيمىلعا بارىپ وتىرعان جانە جەكەلەگەن اۋدانداردى باقىلاۋىندا ۇستاعان 20 ءتۇرلى توپتىڭ وكىلدەرى قاتىسۋدا.

ق ر پرەزيدەنتى نۇرسۇلتان نازاربايەۆتىڭ ايتۋىنشا، بۇگىنگى كەلىسسوزدەردى وتكىزۋ ورنى رەتىندە قازاقستاننىڭ تاڭداپ الىنۋى توسىننان ەمەس. 2015 -جىلى استانا جەكەلەگەن سيريالىق وپپوزيتسيالىق توپتاردىڭ اراسىنداعى كەلىسسوزدەردىڭ 2 راۋندى وتكەن.

كەلىسسوزدەر 24 - قاڭتاردا اياقتالۋى ءتيىس.

اۆتور: مارلان جيەمباي