19:25, 23 - قاڭتار 2017 | GMT +5
كوت- ديۆۋارلىق فۋتبولشى جەرار گوۋ قازاقستان قۇراماسىندا ويناۋعا دايىن
استانا. قازاقپارات - الماتىلىق «قايرات» كومانداسىنىڭ شابۋىلشىسى كوت- ديۆۋارلىق فۋتبولشى جەرار گوۋ قازاقستان قۇراماسىندا ويناۋعا دايىن. بۇل تۋرالى ول ۋەفا سايتىنا بەرگەن سۇحباتىندا ءمالىم ەتتى، دەپ حابارلايدى قازاقپارات.

27 جاستاعى يۆۋارلىق فۋتبولشى 2014 -جىلدان بەرى قازاقستاندىق پرەمەر- ليگادا وينايدى. وسى جىلدارى ول 70 كەزدەسۋدە 56 گول سالىپ، ەكى مارتە قپل- دىڭ ۇزدىك شابۋىلشىسى اتاندى.
«قايرات» كلۋبىنا كەلمەس بۇرىن جەرار گوۋ رەسەيدە، تۇركيادا، شۆەيساريادا وينادى.
«مەن قازاقستاندا ەكى جىلدان استام تۇرىپ جاتىرمىن، تىلشىلەر مەنىڭ قۇراماعا اۋىسۋ تۋرالى پىكىرىمدى ءجيى سۇرايدى. مەن دايىنمىن. ءبىراق ول ءۇشىن مەندە پاسپورت بولۋى كەرەك، فەدەراتسيا ءوزىنىڭ ۇسىنىسىن جاساۋى قاجەت. قىسقاسى، ەگەر فەدەراتسيا مەنىڭ قازاقستان قۇراماسىندا ويناعانىمدى قالاسا - مەن دايىنمىن»، - دەدى گوۋ.
ايتا كەتەيىك، جەرار گوۋ كوت- ديۆۋار قۇراماسىندا جوق. دەگەنمەن 23 جاسقا دەيىنگى وليمپيادا قۇراماسىندا بىرنەشە ماتچ وتكىزدى.
اۆتور: جاسۇلان جولدىبايەۆ