استانادا سيريا داعدارىسىن رەتتەۋ بويىنشا كەلىسسوزدەر باستالدى
استانا پروتسەسىنە 7 تاراپتىڭ وكىلى قاتىسۋدا. اتاپ ايتقاندا، سيريانىڭ ۇكىمەتتىك دەلەگاتسياسىن ب ۇ ۇ جانىنداعى وسى ەلدىڭ تۇراقتى وكىلى باسار ال-دجافاري باسقارادى. سيريالىق وپپوزيتسيا دەلەگاتسياسىندا شامامەن 15 وپپوزيتسيالىق توپتىڭ وكىلى بار. رەسەي دەلەگاتسياسىنا ر ف پرەزيدەنتىنىڭ سيريالىق رەتتەۋ ماسەلەلەرى جونىندەگى ارناۋلى وكىلى الەكساندر لاۆرەنتيەۆ باسشىلىق جاساۋدا.
تۇرىك جانە يران دەلەگاتسيالارىنىڭ باسشىلارى اتالعان مەملەكەتتەردىڭ سىرتقى ىستەر مينيسترلەرىنىڭ ورىنباسارلارى - سەدات ونال مەن سادەك حۋسەين دجابەري انساري. مۇنان بولەك، سيريالىق داعدارىستى رەتتەۋ پروتسەسىنە ب ۇ ۇ باس حاتشىسىنىڭ سيريا جونىندەگى ارناۋلى وكىلى ستاففان دە ميستۋرا مەن قازاقستانداعى ا ق ش ەلشىسى دجورد كرول دە قاتىسىپ وتىر. كەلىسسوزدەردىڭ اشىلۋ ءراسىمى ب ا ق وكىلدەرىنە تىكەلەي كورسەتىلەدى. ودان كەيىنگى كەلىسسوزدەر بارىسى «جابىق ەسىك» جاعدايىندا وربىمەك. استانا پروتسەسى ەرتەڭ اياقتالادى دەپ جوسپارلانعان.
ايتا كەتەرلىگى، بۇگىن «قازمەديا» ورتالىعىندا باسپا ءسوز ءماسليحاتىن وتكىزگەن ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو قاجەت بولعان جاعدايدا قازاقستان الداعى ۋاقىتتا دا سيريالىق رەتتەۋ جونىندەگى حالىقارالىق كەزدەسۋ وتكىزۋگە الاڭ ۇسىنۋعا دايىن ەكەندىگىن ايتتى.
