قازاقستان سيريا داعدارىسىن رەتتەۋ بويىنشا ءوز ۇستانىمىن ءمالىم ەتتى
بۇل تۋرالى بۇگىن «قازمەديا» ورتالىعىندا وتكەن باسپا ءسوز ءماسليحاتىندا ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو ءمالىم ەتتى، دەپ حابارلايدى قازاقپارات.
«تولىقتاي العاندا، قازاقستان استاناداعى الداعى كەزدەسۋدە (استانا پروتسەسى) ب ۇ ۇ قامقورلىعىمەن جەنەۆا كەلىسسوزدەرى اياسىندا سيريالىق جانجالدىڭ جان-جاقتى قامتىمدى شەشىمى ءۇشىن قاجەتتى بارلىق جاعداي جاساۋعا ۇمتىلادى. وسىعان وراي استاناداعى بۇل كەلىسسوزدەرگە قارىم-قاتىناسىمىزدىڭ تۇبەگەيلى ساتتەرىنىڭ ءبىرى، ءبىز ونى جەنەۆا كەلىسسوزدەرى پروتسەسىنە بالاما رەتىندە قارامايمىز. كەرىسىنشە، ونى تولىقتىراتىن ەلەمەنتتەردىڭ ءبىرى دەپ سانايمىز. وسىعان پارا-پار ءادىستى بۇۇ دا ۇستانادى. وسى جىلدىڭ 20 -قاڭتارىندا قاۋىپسىزدىك كەڭەسى استانا كەزدەسۋىن سيريالىق ساياسي پروتسەستى ىلگەرىلەتەتىن ماڭىزدى بولىك جانە وسى جىلدىڭ 8 -اقپانىندا جەنەۆادا ب ۇ ۇ قامقورلىعىمەن كەلىسسوزدەردى جاڭعىرتۋعا اپاراتىن جولداعى ماڭىزدى قادام رەتىندە سانايتىندىعىن مالىمدەدى»، - دەدى ۆاسيلەنكو.
سونىمەن قاتار ول ب ۇ ۇ قاۋىپسىزدىك كەڭەسى سيريا داعدارىسىن ساياسي رەتتەۋ پروتسەسىندەگى استانا كەزدەسۋىنە (استانا پروتسەسى) جوعارى سەنىم ارتىپ وتىرعاندىعىن ايتتى.
«بۇل كەيبىر ساراپشىلار مەن ساياساتتانۋشىلارعا بۇگىن استانادا باستالاتىن كەزدەسۋدى ءوز كومەنتارييلەرىندە «استانا پروتسەسى» دەپ اتاۋلارىنا بەلگىلى ءبىر دەڭگەيدە نەگىز بەرەدى. بۇعان قوسا، ءبىزدىڭ ۇستانىمىمىز سيريالىق داعدارىستى شەشۋدەگى ەڭ دۇرىس جول - ديپلوماتيالىق كۇش-جىگەر بولىپ قالا بەرمەك»، - دەدى ق ر س ءى م ورىنباسارى.
اۆتور: مارلان جيەمباي
