07:41, 23 - قاڭتار 2017 | GMT +6
سيريا حالقى: كەلىسسوزدەن كۇتەرىمىز كوپ
استانا. قازاقپارات - استانادا وتەتىن سيريا كەلىسسوزىنەن قاقتىعىستان قاجىعان جەرگىلىكتى تۇرعىندار زور ءۇمىت كۇتەدى، دەپ جازادى «حابار 24».
داماسك حالقى وسى كەزدەسۋ ارقىلى 6 جىلعا سوزىلعان ازاپتى سوعىسقا نۇكتە قويىلۋىن قالايدى. ايتۋلارىنشا، وسى باسقوسۋدا بيلىك پەن بۇلىكشىلەر ءبىر ۇستەل باسىنا وتىرىپ، ورتاق مامىلەگە كەلۋى ءۇشىن تۇرعىندار تىلەك تىلەپ، قۇلشىلىق قىلعان. ويتكەنى مايدان ءبارىن مەزى ەتتى. ولار تاڭنىڭ تىنىش اتقانىن قالايدى.
«مەن استاناداعى كەزدەسۋدىڭ ناتيجەلى بولعانىنىن قالايمىن. داعدارىس ءبارىمىزدى قاجىتتى»، - دەيدى جەرگىلىكتى تۇرعىن.
«ءبىز ەلىمىزدە زورلىق- زومبىلىقتىڭ تىيىلىپ، بەيبىتشىلىك ورناعانىن قالايمىز. ەگەر كىمدە- كىم سوعىستى توقتاتىپ، بەيبىتشىلىكتى ورناتۋعا قول سوزسا، سول ادامنىڭ، حالىقتىڭ باسىنا ب ا ق ورنايدى» دەيدى تاعى ءبىر ەل تۇرعىنى.
