قاراعاندىدا اۋدان اكىمىنە زەينەتكەرگە كومەكتەسپەك بولعانى ءۇشىن ايىپپۇل سالدى

بۇل تۋرالى نوۆىي ۆەستنيك حابارلايدى.
تاتيانا شاتوحينا سوت وتىرىسى كەزىندە وزىنە ەرجانوۆ كوشەسىندەگى №41 -ۇيدە تۇراتىن تۇرعىننىڭ كەلگەنىن ايتتى. ول ءوز پاتەرىنىڭ سالقىن ەكەنىن ايتىپ شاعىمدانعان. تۇرعىن ءوز ءۇيىنىڭ تومەنگى تەمپەراتۋراسىن ءبىرىنشى قاباتتاعى «انيۋتا» دۇكەنىنىڭ ورنالاستىرۋىمەن بايلانىستىرعان. اكىم وعان كومەك بەرۋگە ۋادە ەتىپ، قاراماعانداعىلارعا اتالعان جاعدايدى قاراستىرۋدى تاپسىرعان. وسىدان سوڭ ولار دۇكەنگە اتتانعان.
سوت شاتوحينانى شاعىن كاسىپكەرلىك نىسانىن زاڭسىز تەكسەردى دەپ ايىپتاپ، ونىڭ ارەكەتىن اكىمشىلىك قۇقىق بۇزۋشىلىق دەپ تانىعان.
كاسىپكەرلىك ىسكە زاڭسىز ارالاسقانى ءۇشىن ادەتتە 100 ا ە ك (212100 تەڭگە) ايىپپۇل سالىنادى. الايدا اكىم ءوز كىناسىن مويىنداعاندىقتان، سوت جازانى جۇمسارتىپ، ماتەريالدىق جازا ولشەمىن 30 پايىزعا قىسقارتقان. ناتيجەسىندە تاتيانا شاتوحينا 148470 تەڭگە تولەۋگە مىندەتتەلگەن.