ب ۇ ۇ قاۋىپسىزدىك كەڭەسىنىڭ ءتوراعاسى: استانا پروتسەسىن تاعاتسىزدانا كۇتۋدەمىز

استانا. قازاقپارات - قازاقستاندا دۇيسەنبى كۇنى استانادا ۇيىمداستىرىلاتىن كەزدەسۋدى تاعاتسىزدانا كۇتۋدەمىز.
None
None

بۇل جايىندا ب ۇ ۇ قاۋىپسىزدىك كەڭەسىنىڭ ءتوراعاسى. ب ۇ ۇ- داعى شۆەتسيانىڭ تۇراقتى وكىلى ولاف سكۋگ 20 -قاڭتار كۇنگى كەڭەس وتىرىسىنىڭ قورىتىندىسىندا ءمالىم ەتتى، دەپ حابارلايدى قازاقپارات.

«ءبىز سيرياداعى احۋال جانە سوڭعى وقيعالار توڭىرەگىندە، ونىڭ ىشىندە №2336 -قاراردىڭ ورىندالۋى مەن الداعى استاناداعى كەزدەسۋ جايىندا پىكىر الماستىق. ءبىز رەسەي مەن تۇركيانىڭ زورلىق- زومبىلىقتى تىيۋ، سوعىس وتىن توقتاتۋ رەجىمىن قۇرۋ جانە ب ۇ ۇ قامقورلىعىمەن ساياسي پروتسەسكە سەرپىن بەرۋ كۇش-جىگەرىنە قولداۋ بىلدىرەمىز. ءبىز بارلىق تاراپتى سيرياداعى سوعىس وتىن توقتاتۋ رەجىمىن ساقتاۋعا شاقىردىق»، - دەدى ب ۇ ۇ ق ك باسشىسى.

سونىمەن قاتار ول تاراپتاردى گۋمانيتارلىق ۇيىمداردىڭ سيريانىڭ بارلىق اۋماعىنا شۇعىل، قاۋىپسىز جانە كەدەرگىسىز كىرۋىن قامتاماسىز ەتۋگە شاقىرعاندىقتارىن اتاپ ءوتتى.

«ءبىز د ا ي ش- تىڭ سيرياداعى تاعىلىق تەررورلىق اكتىلەردى جالعاستىرۋىن، سونىڭ ىشىندە پالميراداعى يۋنەسكونىڭ مادەني مۇرا تىزىمىنە ەنگىزىلگەن ريم تەاترى سىندى مادەني مۇرالاردى تالقانداۋىن تۇبەگەيلى ايىپتادىق. قازاقستان دۇيسەنبى كۇنى استانادا ۇيىمداستىراتىن كەزدەسۋدى تاعاتسىزدانا كۇتۋدەمىز. ونى سيريالىق ساياسي پروتسەسستىڭ ماڭىزدى بولىگى جانە 8 -اقپاندا جەنەۆادا ب ۇ ۇ قامقورلىعىمەن قايتا جاڭعىرتىلاتىن سيرياىشىلىك كەلىسسوزدەردىڭ ماڭىزدى قادامى رەتىندە قاراستىرامىز»، - دەدى ولاف سكۋگ.

ەستەرىڭىزگە سالا كەتسەك، سيرياداعى احۋالدى رەتتەۋ بويىنشا حالىقارالىق كەلىسسوزدەر 23 -قاڭتار كۇنى استانادا وتەدى.

  

سوڭعى جاڭالىقتار