جىگىتتەردىڭ وتباسىن قۇرماي ۇزاق جۇرۋىنە نە سەبەپ

استانا. قازاقپارات - قوعام بولعاننان كەيىن ونى جاساۋشى ادامداردىڭ ءوز مىندەتتەرى بار. ەردىڭ دە ايەلدىڭ دە الدىنا قويعان ماقسات- مۇددەسى بار.

ەردىڭ مىندەتى - جاقسى جار تاۋىپ وتباسىن قۇرۋ. ايەلدىڭ مىندەتى - تۇرمىسقا شىعىپ، ۇرپاق ساباقتاستىعىن جالعاستىرۋ. بۇل ەڭ قاراپايىم مىندەتتەمەلەر، دەپ جازادى ماسسەگەت. ك ز.

باسقاسىن قازا بەرسەك مىڭ ءتۇرلى تاقىرىپقا تۇزدىق بولارى انىق. ءبىراق وزدەرىنە جۇكتەلگەن مىندەتتى ورىنداۋدان باس تارتىپ نەمەسە ورىنداۋعا مۇمكىندىگى بولماي جۇرگەن جىگىتتەردىڭ قاتارى بار.

قازىر ەلىمىزدە 25 جاستان اسقان بويداقتاردىڭ سانى - 3 ميلليون. 14 پەن 29 جاس ارالىعىنداعى بويداقتار سانى - 4 ميلليون 616 مىڭ. مۇنىڭ ىشىندە ەرلەدىڭ ۇلەسى - 2 ميلليون 337 مىڭ. ال سۇر بويداقتاردىڭ سانى 500 مىڭنان اسادى.

 بويداقتىقپەن قوشتاسپاۋدىڭ سەبەبى نە؟

«جاعداي جاساپ الايىن...» ەڭ ءبىرىنشى سەبەپ جىگىتتىڭ پسيحولوگياسىندا. ادام وزىنە- ءوزى جاۋاپ بەرەتىن تۇلعالىق قاسيەتكە جەتپەيىنشە بىرەۋدىڭ جاۋاپكەرشىلىگىن ارقالاي المايدى. بۇل - زاڭدىلىق. ال كەي جىگىتتەر بۇل زاڭدىلىقتى ۇزاعىنان سوزىپ جىبەرەدى.

ماسەلەن وزدەرىنىڭ السىزدىگىنەن «جاعداي جاساپ الايىن...» دەيتىن سىلتاۋدىڭ جەتەگىندە جۇرەدى. بۇل قازىرگى بويداق جىگىتتەردىڭ ەڭ ۇتىمدى جاۋاپتارى. ءبىراق ءۇي بولۋ جاعدايدىڭ تومەندەپ كەتۋىنە سەبەپكەر بولادى دەيتىن ۇعىم جوق. ال مۇنى ءبىز ەسكەرمەيمىز. جىگىتتەردىڭ بۇل سىلتاۋعا بارۋىنا قىزداردىڭ دا سەبەبى جوق ەمەس.

جاقسى كورىپ جۇرگەن بولاشاق جارىڭىز ءۇشىن بارىنە دايىن بولساڭىز ونىڭ قالاۋىن دا ورىنداپ بەرۋگە ۇمتىلاسىز. ماسەلەن ول سىزدەن كولىك، ءۇي، اقشا، جاقسى جۇمىس تالاپ ەتۋى مۇمكىن. ال بۇلاردىڭ ءبارى سىزدە بولماعان سوڭ ءسىز وزىڭىزگە قاناعاتتانبايسىز. ەڭ دۇرىسى بارىنە سابىرلىق تانىتىڭىز. ءبارى جاقسى بولادى دەپ ونى دا ءوزىڭىزدى دە سەندىرىڭىز.

بويداق ومىرىڭىزدە قالىپتاسپاي جۇرگەن جاعداي باسىڭىز ەكەۋ بولعان كەزدە جاسالادى. سەنىڭىز. قازاق «باس ەكەۋ بولماي مال ەكەۋ بولماس» دەپ بەكەر ايتپاعان.

بويداق ءومىردىڭ جەلىكتىگى

جىگىتتەردىڭ ۇيلەنبەي كوپ جۇرۋىنە تاعى ءبىر سەبەپ بويداق ءومىردىڭ جەلىكتىگى. سەبەبى ىشكەنى ارتتا، ىشپەگەنى الدا ۇعىمىن كەشۋ كىمگە بولماسىن جاقسى كورىنۋى مۇمكىن. سىزدە ءبارى بار. ماتەريالدىق قۇندىلىعىڭىز قاناعاتتانىپ تۇرسا ونى باسقا ءبىر قىزدىڭ قولىنا بايلاپ بەرۋدىڭ قاجەتى نە. بۇل بۇگىندە قالىپتاسىپ كەلە جاتقان تۇسىنىك. تاڭ قالاتىنى جوق قازىرگى شەت ەلدىك فيلمدەردىڭ كوبى وسى يدەولوگيا نەگىزىندە جاسالىپ جاتىر.

ولاردىڭ تۇسىنىگىندەگى «بويداق ءومىر» اركىمنىڭ دەموكراتياسى. ۇيلەنۋ جانە ۇرپاق ءسۇيۋ باستى ورىندا ەمەس. ءوز داستۇرىڭمەن ءومىر ءسۇرۋ ەلگە قۇرمەت جانە وتباسىڭنىڭ بەرەكەسى. بويداق ءومىردىڭ ۇزاققا جالعاسۋىن ءدىننىڭ ءوزى قولدامايتىنىن ەسكەرىڭىز.

تالعامپازدىق

تالعامپازىق - ەڭ ۇلكەن سەبەپ. ويتكەنى جىگىتتىڭ جاسى 25 تەن اسقاننان كەيىن ونىڭ بويىندا تالعامپازدىق قاسيەت پايدا بولادى. بۇل قاسيەت پسيحولوگيادا جانە عىلىمدا ادامنىڭ اقىل توقتاتىپ، جەتىلۋى دەڭگەيى دەپ كورسەتىلەدى. ەندەشە اقىل توقتاتقان جىگىت وزىنەن كىشى قىزدىڭ بويىنان ءمىن ىزدەۋگە تالپىنىپ تۇرادى. ونى جاقسى جاعىنان عانا قابىلداي المايدى. قاي كەزدە بولماسىن قاتەلىك ىزدەۋگە تىرىسادى. بۇل جىگىتتىڭ قالاۋى ەمەس، تالعامپازدىق قاسيەتىنىڭ ەركىسىز ورىندالۋى.

«تاڭداعان تازعا جولىعادى» دەيتى ءسوزدىڭ ءجونى بار. تالعامعا ساي قىزدى ۋاقىتىندا تابىڭىز. ءسىز دە جاس ول دا جاس ومىرگە ءبىر كوزقاراسپەن قاراي وتىرىپ باقىتقا جەتە الاسىزدار. ال وتباسىن قۇرۋ جانە ۇرپاق ءسۇيۋ ونى تاربيەلەۋ وتان الدىنداعى بورىش دەپ ءتۇسىنىڭىز.