تالانتتى ءانشى ديماش قۇدايبەرگەنوۆ قىتاي حالقىن قايران قالدىردى - كەسكىن

استانا. قازاقپارات - وتانداسىمىز ديماش قۇدايبەرگەنوۆ قاتىسىپ جاتقان قىتايداعى «Singer-2017» ءان بايقاۋى بۇگىن استانا ۋاقىتىمەن 20:30 دا ەفيرگە شىقتى، دەپ حابارلايدى قازاقپارات.

بۇعان دەيىن حابارلاعانىمىزداي، ديماش جوبانىڭ ءبىرىنشى كەزەڭىندە فرانسۋزداردىڭ ەڭ قيىن ءانىنىڭ ءبىرى بولىپ تابىلاتىن ايگىلى «SOS d'un terrien en détressە» ءانىن ورىنداپ، قىتايلىق كورەرمەندەردى ءتانتى ەتتى. بايقاۋدىڭ قاتىسۋشىلارى، قىتايعا تانىمال انشىلەر دە ءوز تاڭدانىستارىن جاسىرا المادى.

قىتايدىڭ Sina Weibo (تۆيتتەردىڭ بالاماسى) الەۋمەتتىك ميكروبلوگىنا جازىلۋشىلاردىڭ سانى 35 مىڭنان ءبىر ساعاتتا 118 مىڭعا جەتتى.

 

ايتا كەتەرلىگى، قىتايداعى ۇلكەن ءان بايقاۋلارىنىڭ قاتىسۋشىسى، قانداسىمىز اراي ايدارحان جوبا تالابىنا سايكەس سەرىكتەس بولىپ قاتىسىپ، قولداۋ كورسەتتى.

 

بايقاۋدىڭ ەكىنشى كەزەڭى كەلەسى سەنبى كۇنى وتەدى.