ترامپ العاشقى جارلىقتارعا قول قويدى

استانا. قازاقپارات- ا ق ش پرەزيدەنتى دونالد ترامپ ۇلىقتاۋ ءراسىمى اياقتالعان سوڭ داستۇرگە سايكەس سالتاناتتى تۇسكى استىڭ الدىندا كونگرەسس عيماراتىندا العاشقى جارلىقتارعا قول قويدى.
None
None

 پرەزيدەنت قۇجاتتاردى بەكىتۋگە بىرنەشە قالام قولدانىپ، ولاردى جاقىندارىنا ەستەلىك سىي رەتىندە تاراتتى.

ترامپ ۇكىمەتىنىڭ جاڭا مۇشەلەرىن تاعايىنداۋ تۋرالى جارلىقتارعا قول قويىپ، سەناتتىڭ قاراۋىنا جىبەردى. پرەزيدەنت بەكىتكەن قۇجاتتاردىڭ ىشىندە دجەيمس مەتتيستى وتستاۆكاعا شىققانىنا از ۋاقىت بولسا دا، قايتا قورعانىس ءمينيسترى ەتىپ تاعايىنداۋعا رۇقسات ەتەتىن زاڭ دا بار.

ترامپتىڭ العاشقى جارلىقتارىنىڭ ءبىرى ا ق ش- تا ۇلتتىق پاتريوتيزم كۇنىن ەنگىزۋگە ارنالعان.

20 - قاڭتاردا ۆاشينگتوندا ۇلىقتاۋ ءراسىمى ءوتىپ، دونالد ترامپ ا ق ش- تىڭ 45-پرەزيدەنتى رەتىندە قىزمەتىنە كىرىسكەن. سالتاناتتى شارادا ءسوز سويلەگەن ترامپ «ەلدەگى ەسكەرۋسىز قالعان» الەۋمەتتىك توپ وكىلدەرىنە جاردەم بەرۋگە، جاڭا جۇمىس ورىندارىن اشىپ، حالىقارالىق تەرروريزممەن كۇرەستى كۇشەيتۋگە ۋادە بەرگەن.

http://www.azattyq.org

سوڭعى جاڭالىقتار