دونالد ترامپتىڭ ۇلىقتاۋ راسىمىنە قازاقستاندىق ستۋدەنت قاتىستى

ول - « استانا ەكسپو-2017» ۇلتتىق كومپانياسىنىڭ ءىستى بولعان بۇرىنعى باسشىسى تالعات ەرمەگيايەۆتىڭ بالاسى.
قازىبەك ەرمەگيايەۆ - ۇلىقتاۋ شاراسىنا قاتىسقان 50 كادەتتىڭ ءارى ا ق ش پرەزيدەنتىنىڭ تاققا وتىرۋ سالتاناتىندا بولعان العاشقى قازاقتىڭ ءبىرى. قازاق بوزبالاسى ۆيسە- پرەزيدەنت مايكل پەنستىڭ بالدىق كەشىندە ا ق ش جانە ينديانا شتاتىنىڭ تۋىن كۇزەتكەن 4 كادەتتىڭ ىشىندە دە بولعان.
قازىبەك پارادتاعى سۋرەتىمەن ءوزىنىڭ Instagram جەلىسىندەگى پاراقشاسىندا ءبولىسىپتى.
قازاق تەلەجۇرگىزۋشىسى ايگۇل مۇكەي دە وتانداسىن ماقتان تۇتاتىنىن ايتىپ، ءوزىنىڭ پاراقشاسىندا پوست جاريالادى.
« كەشە ا ق ش پرەزيدەنتىنىڭ يناۋگۋراتسياسىندا - سالتاناتتى شەرۋگە وتباسىنىڭ جانە وتانىنىڭ لايىقتى ۇلى - قازاقستان رەسرۋبليكاسىنىڭ ازاماتى، قازىبەك ەرمەگيايەۆ قاتىستى. شەرۋگە ساباعىنداعى، سپورتتاعى جانە قوعامدىق ومىردەگى جەتىستىكتەرى ءۇشىن، ۇزدىك ستۋدەنت رەتىندە قاتىسقان جالعىز قازاق. العان بەتىڭنەن قايتپا، قازىبەك!
قازىبەك - ا ق ش اسكەري اكادەمياسىنىڭ ستۋدەنتى. ول ناعىز قازاق جىگىتى، كاۆالەريست رەتىندە، بارلىق ۋاقىتىن اتتىڭ ۇستىندە وتكىزەدى»، - دەپ جازدى تەلەجۇرگىزۋشى.
قازىبەك ەرمەگيايەۆ اسكەري اكادەمياعا 3 جىل بۇرىن گرانت بويىنشا تۇسكەن. كەيىننەن ول 15 ادامنان عانا تۇراتىن Color Guard ەليتالى كادەتتەر توبىنىڭ قۇرامىنا ەنگەن. اكادەمياداعى جەتىستىگى مەن سپورتتاعى اتاقتارىنىڭ ارقاسىندا ول 120 جىلدىق تاريحى بار Black Horse Troop ەليتالى كاۆالەريالىق وتريادىنا الىنعان.
ايتا كەتەلىك، ا ق ش- تىڭ جاڭا پرەزيدەنتى دونالد ترامپتىڭ يناۋگۋراتسياسىنىڭ سالتاناتتى ءراسىمى ۆاشينگتوندا جۇما كۇنى ءوتتى. ونى ءوز كوزىمەن كورۋ ءۇشىن امەريكالىق ەلوردانىڭ ورتالىق ساياباعى - ۇلتتىق اللەياسىنا ءارتۇرلى باعالاۋلار بويىنشا 900 مىڭنان 1 ميلليونعا دەيىن ادام كەلگەن.
https://kaz.365info.kz