قازكوم قازاقستاننىڭ حالىق بانكىمەن ءوزارا كەلىسسوزدەر جۇرگىزە باستادى
«قازكوممەرسبانك» ا ق- ى (ق ك ب) مەن كەڭەس راقىشەۆ مىرزا ق ك ب مەن حالىق بانكى اراسىندا الەۋەتتى مامىلە جونىندە «قازاقستاننىڭ حالىق بانكى» ا ق- مەن («حالىق بانكى») الدىن الا كەلىسسوزدەردى جۇرگىزە باستاعانى تۋرالى حابارلايدى»، - دەلىنگەن حابارلامادا.
باسپا ءسوز قىزمەتىنىڭ ءمالىم ەتكەنىندەي، قوسىمشا اقپارات قاجەتتى بولعان جاعدايدا ءتيىستى مەرزىمدە بەرىلەتىتىن بولادى.
بۇنىڭ الدىندا، ءبىرقاتار ب ا ق، دەرەككوزدەرگە سىلتەمە جاساپ، قازاقستاننىڭ ەكى ءىرى بانكى بىرىگۋ جونىندە كەلىسسوز جۇرگىزىپ جاتقاندىعىن حابارلاعان. الايدا 2016 -جىلى قاراشا ايىندا قازكوم وكىلدەرى حالىق بانكىمەن اراداعى كەلىسسوزدەردى جوققا شىعارعان. ءوز كەزەگىندە، كوپ ۇزاماي، حالىق بانك بۇل ب ا ق- تىڭ داقپىرتى بولۋى مۇمكىن دەپ ءمالىم ەتتى.
قازكوممەرسبانك (Qazkom) قازاقستاننىڭ ەڭ ءىرى جۇيە قۇرۋشى بانكى ءارى نەگىزگى تولەم اگەنتى بولىپ تابىلادى. 2016 -جىلى بانك شاعىن جانە ورتا كاسىپكەرلەر مەن جەكە كليەنتتەرگە باعىتتالعان جاڭا بيزنەس- ستراتەگيانى قابىلداعان بولاتىن. وسى ستراتەگيانى ىسكە اسىرۋ بانككە شوب جانە جەكە كليەنتتەرگە كرەديتتەردى بەرۋ كولەمىن ۇلعايتۋعا جانە يننوۆاتسيالىق بانكتىك ونىمدەردە Qazkom-نىڭ تەحنولوگيالىق كوشباسشىلىعىن نىعايتۋعا مۇمكىندىك بەردى. سونىمەن قاتار بانك وتكەن جىلى كليەنتتىك سەرۆيسكە ماسشتابتى وزگەرىس ەنگىزىپ، ءوز بولىمشەلەرىندە قىزمەت كورسەتۋدىڭ ساپاسىن تۇبەگەيلى جاقسارتتى.
«قازكوممەرتسبانك» ا ق قازاقستان مەن ورتالىق ازياداعى ەڭ ءىرى بانكتەردىڭ ءبىرى بولىپ تابىلادى. بانكتىڭ اكتيۆتەرى 2016 -جىلعى 30 -قىركۇيەككە 5 تريلليون 139 ميلليارد تەڭگەنى قۇرادى. بانك قارجى اكتيۆتەرىن باسقارۋ، ساقتاندىرۋ جانە بروكەرلىك قىزمەت كورسەتۋ سالالارىندا قىزمەت ەتەتىن ەنشىلەس كومپانيالارعا يە.
سونىمەن قاتار بانكتىڭ رەسەي فەدەراتسياسىندا، تاجىكستان رەسپۋبليكاسىندا ەنشىلەس بانكتەرى بار. بانكتىڭ ءىرى قاتىسۋشىلارى: ك. ح. راقىشەۆ مىرزا، «Qazaq Financial Group» ا ق، «ورتالىق- ازيالىق ينۆەستيتسيالىق كومپانيا» ا ق، ن. س. سۋبحانبەردين مىرزا، «سامۇرىق- قازىنا» ۇ ءا ق» ا ق. بانكتىڭ اكسيالارى «قازاقستان قور بيرجاسى» ا ق- تىڭ (KASE) رەسمي تىزىمىنە ەنگىزىلگەن. نەگىزگى اكتيۆتەرى بولىپ بانك اكسيالارى تابىلاتىن جاھاندىق دەپوزيتارلىق قولحاتتار (ج د ق) لوندون قور بيرجاسىنىڭ (ل ق ب) ليستينگىندە ورنالاستىرىلعان. بانك ت م د بانكتەرىنىڭ قاتارىندا ءبىرىنشى بولىپ 2006 -جىلعى قاراشادا 845 ميلليون ا ق ش دوللارى سوماسىنا لوندون قور بيرجاسىندا ج د ك نىسانى بويىنشا IPO اياقتادى.
