بۇگىن قازاقستاندىق ديپلومات گۋاڭجوۋداعى اقجارقىن تۇرلىبايمەن سويلەستى

بەيجىڭ- گۋاڭجوۋ. قازاقپارات - ەسىرتكى تاسىمالداعانى ءۇشىن قىتايدا ءىستى بولعان قازاقستاندىق اقجارقىن تۇرلىبايعا قاتىستى سوت ۇكىمى شىعاتىن كۇن ءالى بەلگىسىز.

بۇل تۋرالى ق ر- نىڭ ق ح ر- داعى ەلشىلىگىنىڭ كونسۋلدىق ءبولىم جەتەكشىسى بولات سىرلىبايەۆ «قازاقپارات» ح ا ا- نىڭ قىتايداعى مەنشىكتى تىلشىسىنە بەرگەن سۇحباتىندا حابارلادى.

«قازىر قىتايلىق سۋديالار دا، قىتايلىق ادۆوكاتتار دا اقجارقىنعا قاتىستى سوت ۇكىمىنىڭ ناقتى كۇنىن اتاماي وتىر. مەن ولارمەن ۇزدىكسىز بايلانىستامىن. قازاقستاندىق ادۆوكات مەنىڭ قاتىسۋىممەن قىتايلىق ادۆوكاتتار مەن سۋديالارمەن سويلەسۋدە»، - دەپ ايتتى ول سۇڭقار نۇرماعامبەتوۆتىڭ ۇكىمنىڭ ناقتى كۇنىن - 27-28 -اقپان دەپ اتاعانىنا تاڭعالىپ.

ديپلومات بۇگىن گۋاڭجوۋداعى تەرگەۋ وقشاۋلاعىشىندا اقجارقىنمەن كەزدەسىپ، 40 مينۋتتاي سويلەسكەن.

ونىڭ ايتۋىنشا، قىزدىڭ كوڭىل كۇيى جاقسى. الداعى مەرەكە كۇندەرى جۇمىسقا شىقپاي، وزىمەن بىرگە كامەرادا وتىرعان 16 اداممەن بىرگە بولادى.

«اقجارقىن تەرگەۋ وقشاۋلاعىشىندا جۇمىس جاسايدى - ول قولعاپتار مەن باسقا دا بۇيىمداردى پاكەتتەرگە سالىپ، قاپتايدى. اقجارقىن كۇن سايىن قىتاي تەلەارنالارىنداعى جاڭالىقتاردى قاراپ وتىرادى (كۇنىنە 1-1,5 ساعات قاراۋعا رۇقسات بەرىلەدى). ول كەلەسى جولى وتباسىلىق سۋرەتتى بەرىپ جىبەرۋىن وتىنگەن. كوزىلدىرىك ماسەلەسى شەشىمىن تاپتى. بۇرىنىراق كامەرادا ىستىق سۋ بولمادى. ول ماسەلە دە شەشىلدى»، - دەپ حابارلادى ب. سىرلىبايەۆ.

ديپلومات اقپاندا كەلە جاتقان تۋعان كۇنىمەن قۇتتىقتاپ، كارتوچكاسىنا ازىراق اقشا سالعان. بۇگىن قازاقستاندىق كونسۋل گۋاڭجوۋ قالاسىندا تۇتقىندالعان ءۇش ق ر ازاماتىمەن كەزدەسەدى.

ەسكە سالا كەتەيىك، اقجارقىن تۇرلىباي 2014 -جىلدىڭ ناۋرىز ايىندا گۋاڭجوۋ اۋەجايىندا 4,5 كەلى ەسىرتكىمەن ۇستالعان بولاتىن.

ول مالايزياعا ءساندى كيىمدەردىڭ كۋرەرى بولىپ جۇمىس جاساۋعا اتتانعانىن ايتىپ كەتكەن. قىزدىڭ ءوزى ەسىرتكىنى وعان ارانداتۋشىلار سالىپ جىبەرگەنىنە سەنىمدى.

بۇل ىسكە قاتىستى قىتاي سوتى اۋىر جازا تاعايىنداپ، ونى ءومىر بويى باس بوستاندىعىنان ايىرعان بولاتىن.

الايدا كەيىن، ەسىرتكى، پسيحوتروپتى زاتتاردىڭ زاڭسىز اينالىمىمەن كۇرەس ورتالىق ازيالىق ايماقتىق ورتالىعى جاس قىز نيگەريالىق ەسىرتكى مافياسىنىڭ قۇربانى بولۋى مۇمكىن ەكەنىن ايتقان.

2016 -جىلدىڭ 7 -ساۋىرىندە اپەللياتسيالىق سوت ساتىسى اقجارقىن تۇرلىبايدى ءومىر بويى باس بوستاندىعىنان ايىرعان سوت ۇكىمىنىڭ زاڭدى كۇشىن توقتاتىپ، العاشقى سوت ساتىسىنا ءىستى قايتا قاراۋ تۋرالى قاۋلى شىعارعان.