13:34, 20 - قاڭتار 2017 | GMT +5
دۋشانبە اكىمى بولعان پرەزيدەنتتىڭ ۇلى اكەسى وتىرعان عيماراتقا كوشىپ الدى
استانا. قازاقپارات- تاجىكستان پرەزيدەنتى ەمومالي راحموننىڭ ۇلى باسقاراتىن دۋشانبە اكىمدىگى پرەزيدەنت اكىمشىلىگى بولعان عيماراتقا كوشتى. بۇل رۋستام ەمومالي اكەسىنىڭ ورنىنا مۇراگەر رەتىندە قالادى دەگەن سوزدەردى ودان سايىن ءورشىتتى.

ەمومالي راحمون ءوزىنىڭ 29 جاستاعى ۇلى رۋستام ەموماليدى تاجىكستان استاناسىنىڭ اكىمى رەتىندە تاعايىنداعاننان كەيىن، اكىمدىك بۇرىنعى پرەزيدەنتتىك عيماراتقا كوشكەن. بۇل اقپاراتتى تاجىكستاننىڭ باس ارحيتەكتورى جامشەد احمادزودا ب ا ق- قا راستادى.
احمادزودا مۇنىڭ ۋاقىتشا ەكەنىن، دۋشانبە ورتالىعىندا تاياۋ ۋاقىتتا جاڭا اكىمشىلىك سالىناتىنىن ايتادى.
64 جاستاعى ەمومالي راحمون تاجىكستاندى 1992 -جىلدان بەرى باسقارىپ كەلەدى. ونىڭ كوپتەگەن تۋىستارى (ەكى قىزىن قوسا ەسەپتەگەندە) مەملەكەتتىك قۇرىلىمداردا جوعارى لاۋازىمدى قىزمەتتەر اتقارادى. ەندى ءبىرى ەلدەگى ءىرى بيزنەستى باقىلايدى. ەلدەگى قۇقىق قورعاۋشىلار راحمون ءوزىن سىناعان ادامداردى قۋدالايدى دەيدى.
راحمون بىرنەشە جىل بۇرىن پرەزيدەنت اكىمشىلىگىن جاڭا عيماراتقا كوشىرگەن.
https://kaz.365info.kz