12:25, 20 - قاڭتار 2017 | GMT +5
گامبيا پرەزيدەنتى وكىلەتتىلىك مەرزىمىنىڭ اياقتالعانىنا قاراماستان بيلىكتەن كەتەر ەمەس
استانا. قازاقپارات- گامبيا پرەزيدەنتى دجاممە ياحيا وكىلەتتىلىك مەرزىمىنىڭ اياقتالعانىنا قاراماستان، بيلىكتەن كەتەر ەمەس.

ەلدە 1 - جەلتوقسانداعى پرەزيدەنت سايلاۋىندا جەڭىسكە جەتكەن اداما بەرروۋدى ۇلىقتاۋ ءراسىمى ءوتۋى ءتيىس. دەگەنمەن دجاممە ياحيا ول ساياسي ناۋقان قورىتىندىسىن مويىندامايتىنىن ايتىپ، سايلاۋ ناتيجەسىن قايتا قاراۋ تۋرالى سوتقا پەتيتسيا جولداعان.
بۇعان دەيىن سينەگال مەن نيگەريا ەگەر ەل بيلىگى جاعدايدى ساياسي جولمەن شەشپەسە، ءوز قارۋلى كۇشتەرىن گامبياعا كىرگىزۋگە دايىن ەكەنىن مالىمدەگەن بولاتىن. ءتىپتى بۇل ارەكەتكە بارۋ ءۇشىن ولار «باتىس افريكا مەملەكەتتەرىنىڭ ەكونوميكالىق وداعىنان» رۇقسات تا الىپ قويعان. ايتا كەتەيىك، دجاممە ياحيا ەلدى 1994 -جىلدان بەرى باسقارىپ كەلەدى. ول بيلىككە اسكەري توڭكەرىس ارقىلى كەلگەن.
www.24.kz