روبوت- جۋرناليست ماقالانى ءبىر سەكۋندتا جازدى

استانا. قازاقپارات - قىتايدىڭ روبوت- جۋرناليسى سياو نان العاشقى ماقالاسىن Southern Metropolis Daily گازەتىنە جاريالادى. 300 يەروگليفتان تۇراتىن ماقالانى جازۋعا روبوت ءبىر سەكۋندىن جۇمسادى. جازبا قىتايدىڭ جاڭا جىلى كەزىندەگى جولاۋشىلار لەگىنىڭ ارتاتىنىنا قاتىستى.

روبوتتى جاساۋشى بەيجىڭ ۋنيۆەرسيتەتى كومانداسىنىڭ باسشىسىنىڭ ايتۋىنشا، سياو نان شاعىن حابارلاما عانا ەمەس كولەمدى ماقالا جازۋعا دا قابىلەتتى ەكەن. ونىڭ ەڭ باستى ۇتاتىن تۇسى - مالىمەتتەردى جىلدام قورىتا الادى، ءارى ءماتىن تەرىپ ۋاقىتىن جوعالتپايدى. الايدا ازىرگە روبوت جۋرناليستەردى الماستىرا المايدى.

 ويتكەنى اقىلدى ماشينا سۇحبات الا المايدى، سونداي- اق تاقىرىپقا قاتىستى سۇراقتار قويا المايدى، دەپ حابارلايدى Ecns.cn. الايدا جوبانى جاساۋشىلار بولاشاقتا تىلشىلەرگە ارنالعان كومەكشى رووبوتتاردىڭ پايدا بولاتىنىنا سەنىمدى.