قىتايدا اقجارقىن تۇرلىبايعا قاتىستى جاڭا ۇكىم شىعاتىن كۇن بەلگىلى بولدى
«سوت وتىرىسى وتەتىن كۇن (27-28 -اقپان - رەد) انىقتالدى. ءبىز بەلگىلەنگەن ۋاقىتتى كۇتەمىز»، - دەدى س. نۇرماعامبەتوۆ.
ەسكە سالا كەتەيىك، اقجارقىن تۇرلىباي 2014 -جىلدىڭ ناۋرىز ايىندا گۋاڭجوۋ اۋەجايىندا 4,5 كەلى ەسىرتكىمەن ۇستالعان بولاتىن.
ول مالايزياعا ءساندى كيىمدەردىڭ كۋرەرى بولىپ جۇمىس جاساۋعا اتتانعانىن ايتىپ كەتكەن. قىزدىڭ ءوزى ەسىرتكىنى وعان ارانداتۋشىلار سالىپ جىبەرگەنىنە سەنىمدى.
بۇل ىسكە قاتىستى قىتاي سوتى اۋىر جازا تاعايىنداپ، ونى ءومىر بويى باس بوستاندىعىنان ايىرعان بولاتىن.
الايدا كەيىن، ەسىرتكى، پسيحوتروپتى زاتتاردىڭ زاڭسىز اينالىمىمەن كۇرەس ورتالىق ازيالىق ايماقتىق ورتالىعى جاس قىز نيگەريالىق ەسىرتكى مافياسىنىڭ قۇربانى بولۋى مۇمكىن ەكەنىن ايتقان.
2016 -جىلدىڭ 7 -ساۋىرىندە اپەللياتسيالىق سوت ساتىسى اقجارقىن تۇرلىبايدى ءومىر بويى باس بوستاندىعىنان ايىرعان سوت ۇكىمىنىڭ زاڭدى كۇشىن توقتاتىپ، العاشقى سوت ساتىسىنا ءىستى قايتا قاراۋ تۋرالى قاۋلى شىعارعان.
