جەرگىلىكتى جەردە بيزنەستى تەكسەرەتىندەر ويىنا كەلگەندى ىستەپ ءجۇر - باس پروكۋراتۋرا

استانا. قازاقپارات - ق ر باس پروكۋراتۋرانىڭ مالىمەتىنە سايكەس، جەرگىلىكتى جەردە كاسىپكەرلەردى تەكسەرەتىن ورگاندار ويلارىنا كەلگەندى ىستەپ، ورىنداۋعا مۇلدەم كەلمەيتىن تالاپتاردى قويىپ وتىرادى، دەپ حابارلايدى قازاقپارات ءتىلشىسى.
None
None

«ماسەلەن، وتكەن جىلى شاحتينسك قالاسىنىڭ كاسىپكەرلەر قۇقىقتارىن قورعاۋ باسقارماسى ءبىر بيزنەسمەننەن سايكەستىك تۋرالى كۋالىكتى تالاپ ەتىپ، ساۋدا-ساتتىقتى جۇرگىزۋگە تىيىم سالدى. كاسىپكەردە ونداي قۇجات بولعان دا جوق. سوندا تەكسەرۋشىلەر ونداي قۇجاتتىڭ جوقتىعىن، ياعني ول تالاپتىڭ ورىندالمايتىنىن الدىن الا ءبىلىپ، كاسىپكەرگە 212000 تەڭگە كولەمىندە ايىپپۇل سالدى. نەگىزى، تەكسەرىس كەزىندە جاڭاعى كۋالىك سۇرالماۋى ءتيىس»، - دەيدى باس پروكۋراتۋرانىڭ دەپارتامەنت باسشىسى مارات سەكسەمبايەۆ.

ءبىر عانا قاراعاندى وبلىسىندا تەكسەرۋشىلەر 203 كاسىپكەردىڭ ءتيىستى تالاپتى ورىنداي المايتىنىن الدىن الا بىلگەن.

ونىڭ ايتۋىنشا، وسى ىسپەتتى «زاڭ بۇزۋشىلىقتارعا» قاتىستى سوت شەشىمدەرى دە ءارقيلى بولىپ كەلەدى. ءبىر جەردە قاتاڭ شارالار قولدانىلسا، ەكىنشى جەردە جاۋاپكەرشىلىكتەن بوساتىپ جاتادى. ماسەلەن، اقتوبە قالالىق سوتى سايكەستىك كۋالىگىن كورسەتپەگەنى ءۇشىن ءبىر كاسىپكەرگە 100 ا ە ك كولەمىندە ايىپپۇل سالعان. ال تۋرا وسى سىندى جاعداي بويىنشا باتىس قازاقستان وبلىسى شىڭعىرلاۋ اۋداندىق سوتى ءىستى توقتاتتى.

«سوندىقتان، ءبىز جوعارعى سوتقا شىعىپ، ونداي ىستەرگە تالداۋ جاسايتىن بولامىز. سونىڭ نەگىزىندە ءتيىستى ۇسىنىستار جاسالادى»، - دەپ اتاپ كورسەتتى سەكسەمبايەۆ كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس- قيمىل كەڭەسىنىڭ بۇگىنگى وتىرىسىندا.

وتىرىس بارىسىندا باس پروكۋراتۋرا اقىلعا سىيمايتىن كەيبىر تەكسەرىستەردى جاريالادى.

اۆتور: ارمان اسقاروۆ

سوڭعى جاڭالىقتار