مۇناي باعاسى مەن ر ف- تەگى رەتسەسسيا قازاقستانعا ەكى ەسە سالماق ءتۇسىردى - كەلىمبەتوۆ

بەيجىڭ- گونكونگ. قازاقپارات - «استانا» حالىقارالىق قارجىلىق ورتالىعىنىڭ (ا ح ق و) باسقارۋشىسى قايرات كەلىمبەتوۆ باستاپ بارعان دەلەگاتسيا گونكونگتە وتكەن ونىنشى ازيا قارجى فورۋمىنا قاتىستى،

 دەپ حابارلايدى قازاقپاراتتىڭ قىتايداعى مەنشىكتى ءتىلشىسى.

 «قازاقستان «ءبىر بەلدەۋ - ءبىر جول» ترانزيتتىك- كولىكتىك جۇيەنى دامىتۋ اياسىندا تاجىريبە جۇزىندە شارالاردى ءبىرىنشى بولىپ باستادى. ءبىر جاعىنان الىپ قاراعاندا، ءبىز ورتالىق ازيانىڭ بولىگى بولىپ تابىلامىز، ال ەكىنشى جاعىنان - ەۋرازيالىق ەكونوميكالىق وداقتىڭ قۇرامىندامىز. (...) ەلىمىز «ءبىر بەلدەۋ- ءبىر جول» باعدارلاماسىندا نەگىزگى سەرىكتەس رەتىندە تاڭدالدى. اتاپ ايتقاندا، پرەزيدەنت نۇرسۇلتان نازاربايەۆ قازاقستاندا جاڭا تۇعىرنامانى قۇرۋ تۋرالى ماقساتتى جۇكتەدى جانە ونى ءبىز «استانا» حالىقارالىق قارجىلىق ورتالىعى دەپ اتادىق. ول دۋباي حالىقارالىق قارجى ورتالىعىنا نەمەسە ءابۋ- دابي جاھاندىق نارىعىنا وتە ۇقساس»، - دەدى كەلىمبەتوۆ مودەراتوردىڭ سۇراعىنا جاۋاپ بەرۋ كەزىندە.

بۇدان بولەك، فورۋم الاڭىندا ا ح ق و باسقارۋشىسى Bloomberg اگەنتتىگىنە سۇحبات بەردى.

«مەنىڭ ويىمشا، قازاقستاننىڭ ۇكىمەتى مەن ۇلتتىق بانكى دۇرىس ستراتەگيانى تاڭدادى. 2015 -جىلدىڭ تامىزىندا ەلىمىز اقشالاي- نەسيەلىك مەملەكەتتىك ساياساتتىڭ جاڭا رەجىمىنە كوشتى. بۇل ءوز كەزەگىندە بىزگە كەز كەلگەن سىرتقى قاتەرلى ىقپالداردى ەڭسەرۋگە مۇمكىندىك بەرەدى. مۇناي باعاسىنىڭ قۇلدىراۋى مەن رەسەيدەگى ەكونوميكالىق رەتسەسسياعا بايلانىستى قازاقستانعا ەكى ەسە سالماق ءتۇستى. ءبىز جاۋاپكەرشىلىكتى فيسكالدى ساياساتتى جۇرگىزە باستادىق»، - دەدى ول.

ونىڭ سوزىنە قاراعاندا، قازاقستاندا جۇمىس ىستەمەيتىن زايمداردىڭ ساناتىنا 10 پايىزدان تومەن كورسەتكىش تيەسىلى. بۇل سوڭعى بەس جىلدا ۇلكەن جەتىستىك بولىپ تابىلادى. قازاقستان جاڭا يندۋستريالدىق اكتيۆتەردى، سونداي- اق ينفراقۇرىلىم مەن قىزمەت كورسەتۋ سالاسىندا جاڭا ەكونوميكانى قۇرۋعا ەرەكشە ءمان بەرىپ وتىر.

«ءبىز كورپوراتيۆتىك باسقارۋدى جاقسارتۋعا كوڭىل ءبولىپ وتىرمىز. ونداعى ادىستەردىڭ ءبىرى - جاپپاي جەكەشەلەندىرۋ. «سامۇرىق- قازىنا» قورى قۇرامىنداعى ءتيىستى مەملەكەتتىك كومپانيالاردى 3-5 جىلدا جەكەشەلەندىرۋ ەسكەرىلگەن. مەملەكەتتىك كومپانيالاردىڭ اشىق ءارى ءتيىمدى قۇرىلىمى قازاقستان ءۇشىن پايدالى بولاتىنىن ءتۇسىنىپ وتىرمىز»، - دەدى ول.

ەستەرىڭىزگە سالا كەتەيىك، بۇدان بۇرىن قازاقپارات اگەنتتىگىنە بەرگەن سۇحباتىندا كەلىمبەتوۆ ا ح ق و- نى قۇرۋدىڭ ماقساتى تىكەلەي شەتەلدىك ينۆەستيتسيالاردى قازاقستاننىڭ جانە جالپى ورتالىق ازيانىڭ دامۋى ءۇشىن تارتۋعا نەگىزدەلگەنىن اتاپ وتكەن ەدى.

 ەكىنشى ماسەلە - بۇل ا ح ق و جاڭا بيرجاسىنىڭ مۇمكىنشىلىگى. كوپتەگەن ۇيىمدار اكسيونەر بولعىلارى جانە بولاشاقتا بيرجادا جۇمىس ىستەگىلەرى كەلەدى. قازىرگى ۋاقىتتا شاڭحاي مەن گونكونگ قور بيرجالارىمەن، گونكونگ ءتۇستى مەتالدار بيرجاسى جانە شاڭحاي التىن بيرجاسىمەن كەلىسسوزدەر جۇرگىزىلۋدە.

اۆتور: رۋسلان عابباسوۆ