قىتاي سىنشىلارى: ديماش - ءتاڭىردىڭ نازارىنا ىلىنگەن ءانشى

 استانا. قازاقپارات - قىتايداعى « ءانشى» تەلەجوباسىنا قاتىسىپ جاتقان جاس ءانشى ديماش قۇدايبەرگەنوۆ سول ەلدىڭ اقپارات قۇرالدارى مەن الەۋمەتتىك جەلىلەرىندە تانىمال بولا باستادى. قىتايدىڭ ۋنيۆەرسال سايتىنداعى حابارعا سۇيەنسەك ديماش تەلەجوباداعى العاشقى تۇسىرىلىمىنەن- اق، جۇرتتى وزىنە جالت قاراتقان.
None
None

قىتايدىڭ «Xin Lang» ۋنيۆەرسال سايتىنىڭ مادەنيەت بولىگى بەتىندە ديماش تۋرالى اقپاراتتاردىڭ كۇن سايىن جاڭالانىپ تۇراتىنىن بايقادىق. سول اقپاراتتارعا شولۋ جاساعاندا، قازاق ءانشىسىنىڭ قىتاي ەلىندە ۇلكەن اڭىس تۋدىرىپ، الەۋمەتتىك جەلىلەردە تانىمال بولا باستاعانىنا كۋا بولدىق.

«Xin Lang» سايتىنان بايقاعان اقپاراتىمىز تومەندەگىدەي:

 جالپى جوباعا «حالىقارالىق» ات بەرىپ تۇرعان ءبىر عانا ديماش بولسا كەرەك. سەبەبى، جوباعا قىتاي گونكونگىنان دۋ ليشا اتتى قاتىسۋشى مەن ديماشتان وزگەسى تۇگەل قىتايلىق ونەرپازدار. ديماش قىتايلارمەن العاشقى جۇزدەسۋىندە فرانسۋزدىڭ «S.O.S D'un teerien en detresse » اتتى ءانىن تالداعان. بۇل ءان فرانسۋزدىڭ ورىنداۋعا اسا قيىن بەس ءانىنىڭ ءبىرى ەكەنىن دە ايتىپتى. ديماش العاشقى اينالىمدا- اق ءاندى ءساتتى ورىنداپ، كاسىبي مامانداردىڭ تاڭدايىن قاقتىرعان. ونىڭ العاشقى ءتۇسىرىلىم ءۇشىن تالداعان انىنەن- اق، ونىڭ وزىنە دەگەن سەنىمى انىق كورىنەدى دەگەن پىكىرلەردى دە كەزدەستىردىك.

جوباداعى سون قى جانە شان قى قاتارلى كاسىبي ماماندار ديماشتى جوباعا قاتىسقاندار اراسىنداعى تەڭدەسسىز ءانشى دەپ باعالاعان. ولاردىڭ ايتۋىنشا، ديماش بۇل رەتكى ءان ورىنداۋ بارىسىندا كولوراتۋرالىق، ەركىن ۆوكالدى، كەڭ تىنىستى ءوز اۋەزىمەن قاتار dolphins دىبىستارىن جاقسى مەڭگەرگەندىگىن انىق بايقاتقان. ءتىپتى، جوبا ماماندارى مەن قاتىسۋشىلارىنان « ءتاڭىر ءوزى نازارىنا العان جاس ءانشى، ونداي داۋىس مەندە دە بولسا دەپ ارمانداۋدىڭ قاجەتى جوق، ول وعان قۇدايدىڭ بەرگەن سىيى» دەگەن ماراپاتتاۋ سوزدەرىنە دە يە بولىپ ۇلگەرىپتى.

ديماش قىتايداعى رەسمي اقپاراتتارمەن بىرگە، الەۋمەتتىك جەلىدە دە قىتايلىقتاردى تامساندىرعانىن جازىپتى. الەۋمەتتىك جەلىلەردە ول تۋرلى القاۋلار كوبىرەك كەزدەسەدى. قىتاي قىزدارى ديماشتى ۇزىن بويلى، كەلبەتتى، جىگىتتىڭ ساراسى دەپ ماقتاپ جاتسا كەرەك. كەي سايتتاردا «اق بوز اتتى حانزادا كەلدى، بۇل قىزدارعا جاڭا تاڭداۋ ورايى» دەگەن جازبالاريدا كەزدەستى. قازاقستان مەن رەسەيدەن قولداۋشىلارى كوپ، ال قىتايداعى نەگىزگى قولداۋشىلارى شىنجاڭ قازاقتارى دەگەن تالداۋلار دا بار.

ءتۇسىرىلىم ءالى دە تەلەارنالاردا تاراتىلىپ ۇلگەرمەپتى. قىتاي سايىتتارىنداعى پىكىرلەرگە قاراعاندا « ءانشى» جوباسى تەلەارنالارعا تاراتىلعاننان كەيىن، ديماشتىڭ قولداۋشىلارى ءتىپتى دە ارتا تۇسپەك. ونلاين داۋىس بەرۋ ارقىلى وتەتىن جارىس تۇرىندە ديماش ءوزىنىڭ كەلىستى ءتۇر- كەلبەتى، جاعىمدى داۋىسى، ادامدى باۋراعىشتىعىمەن قولداۋشىلار جيناۋى مۇمكىن دەلىنگەن.

ديماشتىڭ اقپاراتتىق جەلىدەگى پاراقشاسىنا قىتايلىق قولدانۋشىلار قالدىرعان «لايكتارى»

قىتايلىق سايتتار ديماشقا قاتىستى اقپاراتتاردى جيناۋ بارىسىندا ونىڭ الەۋمەتتىك جەلى پاراقشالارىندا قالدىرماي قاداعالاپ ۇلگەرىپتى. اتالمىس سايىتتا «ديماش ءوزىن ونەرپاز رەتىندە جاقسى باۋلىعانى ونىڭ الەۋسەتتىك جەلىلەرىنەن بايقالادى. Instagram پاراقشاسىندا تەك وتباسى، ونەردەگى دوستارى عانا بار. ەگەر جەڭىلتەك جىگىت بولسا ەندىگى قىتايلىق قىزدارمەن تانىسقانىن جاريالاپ ۇلگىرەر ەدى» دەگەن سوزدەر كەزدەسەدى.

قىتايداعى كوزقاراقتى ادامداردىڭ ايتىسىنا قاراعاندا « ءانشى» جوباسى حالىقارالىق دەڭگەيدە ەمەس، تەك ديماش قۇدايبەرگەننىڭ قاتىسۋى عانا ونى حالىقارالىق جوبا اتاندىرىپ وتىر. وندا قاتىسىپ جاتقان قىتايلىق انشىلەردىڭ ءبارى تانىمال بولا قويماعان جاس انشىلەر. ديماش بولسا تالاي حالىقارالىق كونكۋرستاردى كورگەن. بۇل جوبا ونىڭ شاناعىنا تار كەلەدى دەگەن پىكىرلەرىن دە ايتتى.

مەيلى قالاي بولسا دا، تالانتتى وتانداسىمىز ديماشتىڭ ميلليارد قىتايدىڭ اراسىنداعى ءار قادامىنا ءساتتى بولۋىنا، قازاقستاننىڭ ابروي- بەدەلىن كوتەرىپ قايتۋىنا تىلەكتەسپىز! ديماش جارايسىڭ!

 The Qazaq Times

سوڭعى جاڭالىقتار