08:02, 19 - قاڭتار 2017 | GMT +5
فۋتبولشىلار بالاعات سوزدەر ءۇشىن ايىپپۇل تولەيتىن بولدى
استانا. قازاقپارات - رەسەيلىك پرەمەر- ليگادا ونەر كورسەتەتىن «ۋفا» كلۋبىنىڭ فۋتبولشىلارى ەندىگىدە، بالاعات سوزدەردى قولدانعانى ءۇشىن ايىپپۇل تولەيتىن بولادى، دەپ حابارلايدى قازاقپارات.

كوماندانىڭ پرەسس- اتاشەسى سەرگەي تىرتىشنىي «كومسومولسكايا پراۆدا» گازەتىنە بەرگەن سۇحباتىندا اتاپ وتكەندەي، جاڭا ەرەجەدەن ءبىرىنشى بولىپ قورعاۋشى ازامات زاسەيەۆ زارداپ شەكتى، دەپ جازادى Vesti.kz.
بالاعات سوزدەر ءۇشىن ايىپپۇلدى «ۋفا» جەتەكشىلىگىنە جەلتوقسان ايىندا كەلگەن سەرگەي سەماك ەنگىزدى. رەسەي قۇراماسىنىڭ ەكس- كاپيتانى سەماك ءۇشىن باشقۇرتستان استاناسىنىڭ كلۋبىن باسقارۋ - العاشقى تاجىريبەسى.
«مىسالعا، زاسەيەۆ جانا عانا اشۋىن بالاعات سوزدەرمەن ءبىلدىردى. مەنىڭشە، ول ەندى ايىپپۇل جەيدى. سەرگەي بوگدانوۆيچ ءبىزدىڭ كوماندا بالاعات سوزدەرمەن ۇرىسپايتىنىن ءبىرىنشى جينالىستا- اق ايتىپ ءوتتى. ەگەر ول ونداي سوزدەردى ەستيتىن بولسا - ايىپپۇل سالادى»، - دەدى تىرتىشنىي.