حالىق بۇقارالىق اقپارات قۇرالدارىنان گورى فەيسبۋككە كوبىرەك سەنەدى - كالەيەۆا
سوندىقتان مينيسترلىك بۇل باستامانى دەر كەزىندە كوتەرىپ وتىر، دەپ حابارلايدى قازاقپارات ءتىلشىسى. «شىنى كەرەك، قازىرگى زاڭناماعا وزگەرىستەر مەن تولىقتىرۋلار ەنگىزۋ بويىنشا بارلىق جۇمىستار اشىق جۇرگىزىلەدى. ءبىز تالاي جىلدار بويى قۇزىرەتتى مەملەكەتتىك ورگانمەن بىرلەسىپ جۇمىس ىستەۋگە تىرىستىق. ءبىراق بۇگىنگىدەي اشىقتىق بولعان جوق»، - دەيدى كالەيەۆا.
ونىڭ ايتۋىنشا، اقپارات جانە كوممۋنيكاتسيالار زاڭناماسىنا وزگەرىستەر ەنگىزۋ جۇمىسى اياسىندا وزەكتى ماسەلەلەر كوتەرىلىپ وتىر. ماسەلەن، باسىلىمنىڭ مالىمەتتەرى قاتە جازىلسا، ونىڭ جۇمىسىن ءۇش ايعا توقتاتپاۋ تۋرالى تولىقتىرۋدىڭ ماڭىزى زور. بۇدان بولەك، بالالار قۇقىقتارىن قورعاۋ جانە تاعى باسقا ماسەلەلەر بار.
«دەگەنمەن، قازىرگى زاڭنامانى قانشا جاڭارتساق تا، اعاش سوقانى جاڭعىرتۋمەن بىردەي بولامىز. بىزدىڭشە، ول زاڭ تولىعىمەن ەسكىردى. سوندىقتان ونى تۇبەگەيلى وزگەرتىپ، بۇقارالىق اقپارات قۇرالدارىن مەملەكەتتىك قولداۋدىڭ تەتىكتەرىن ەنگىزگەن ءجون. زايىرلى مەملەكەتتەردىڭ بارىندە ونداي شارالار بار. اقپارات سالاسىنداعى مونوپولياعا قارسى تەتىكتەر بولۋى قاجەت. سونىڭ ارقاسىندا حالىقتىڭ سەنىمى ارتادى. ويتكەنى بۇگىندە ادامدار بۇقارالىق اقپارات قۇرالدارىنا قاراعاندا، فەيسبۋككە كوبىرەك سەنەدى»، - دەپ اتاپ كورسەتتى قور ءتورايىمى.
اقپارات جانە كوممۋنيكاتسيالار ۆيتسە-ءمينيسترى الان اجىبايەۆتىڭ ايتۋىنشا، قازىرگى وزگەرىستەر - زامان تالابى.
«ءبىز الەمدىك ترەندتەردى ەسكەرۋگە تىرىستىق. دەگەنمەن، بەلگىلى ءبىر ۋاقىتتان كەيىن ول ترەندتەردىڭ وزگەرەتىنىن جاقسى تۇسىنەمىز»، - دەيدى ۆيتسە-مينيستر.
ايتا كەتەيىك، اقپارات جانە كوممۋنيكاتسيالار مينيسترلىگى ەلەكتروندى بۇقارالىق اقپارات قۇرالدارىندا پىكىر قالدىراتىن ازاماتتاردى ۇيالى تەلەفون ءنومىرى ارقىلى تىركەپ وتىرۋدى دا ۇسىنىپ وتىر. جالپى، اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭعا قاتىستى 200 گە جۋىق ۇسىنىس بار. ارنايى جۇمىس توبى وسى وزگەرىستەردىڭ ءبارىن جان-جاقتى زەردەلەپ شىقتى. ا
