شياڭگاڭ تۇماۋىنىڭ ەكىنشى تولقىنى قوستانايعا كەلدى
بۇل تۋرالى «قازاقپارات» ح ا ا ءتىلشىسى حابارلايدى. قوستاناي وبلىستىق بالالار اۋرۋحاناسى باس دارىگەرىنىڭ مەديتسينالىق ءبولىمى بويىنشا ورىنباسارى ولگا سوننىڭ ايتۋىنشا، «جۇقپالى اۋرۋدىڭ ەكىنشى تولقىنى چەليابىدەن كەلگەن». كوپتەگەن تۇرعىندار بۇل جۇقپالى اۋرۋدى جاڭاجىلدىق دەمالىستا رەسەيدە بولىپ، وزدەرىمەن الىپ كەلگەن.
ەندى بۇل جەرگىلىكتى تۇرعىندار اراسىندا تارالۋدا. وبلىستىق بالالار اۋرۋحاناسىندا تۇماۋدىڭ كۇردەلى تۇرىمەن جانە جرۆي- مەن اۋىرعان ناۋقاستار ازىرگە جوق، بۇل دەرتكە شالدىققان تۇرعىنداردى قالالىق بالالار كلينيكاسى قابىلداۋدا. «قوستانايدا ا ۇلگىسىندەگى (H3N2) تۇماۋمەن اۋىرعاندار نەمەسە گونكونگ تۇماۋىن جۇقتىرعاندار سانى 20 دان استى، - دەدى قوستاناي وبلىستىق تۇتىنۋشىلار قۇقىعىن قورعاۋ دەپارتامەنتى باسشىسىنىڭ ورىنباسارى راگۇل تاجەنوۆا. بۇرىن حابارلانعانداي، قوستاناي وبلىسىندا ەپيدەميالىق ماۋسىمنىڭ باسىنان بەرى (2016 -جىلدىڭ 1 -قازانى) ۆيرۋستىق ينفەكسيامەن اۋىرعان بارلىعى 34 مىڭنان استام دەرەك تىركەلدى.
