ءانشى ديماش قۇدايبەرگەنوۆ قىتايداعى تانىمال تەلەباعدارلامادا قوناقتا بولدى
«قايىرلى كەش، دوستار! بۇگىن قىتاي تەلەارناسىنىڭ ەڭ بەدەلدى كەشكىلىك ءازىل شوۋى «كۋاي لى دا ءبىن ءيىڭ» تۇسىنىكتى بولۋ ءۇشىن «قىتايدىڭ تۇنگى ستۋدياسى» مەنى قوناققا شاقىردى. سەلين ديوننىڭ «All by myself» ءانىن كوپشىلىككە ارناپ، قىتايدىڭ «جاڭا كۇن» انىمەن ءان تەحنيكاسىن كورسەتىپ، بيبىگۇل تولەگەنوۆا اپامىزدىڭ «بۇلبۇلىن» شىرقاپ بەردىم. قىتايدىڭ ەڭ تانىمال جۇرگىزۋشىلەرىنە قازاق ءتىلىن ۇيرەتتىم! ءبىر ازىلدەسىپ، ءبىر كۇلىپ، ءبىر مارقايىپ قايتتىق!» ، دەپ جازادى ءانشى.
«حۋنان» قىتاي تەلەارنالارى اراسىندا كورەرمەندەر سانى جاعىنان 2- ورىن الادى. ارنانىڭ «كۋاي لى دا ءبىن يىڭ» باعدارلاماسى قازاقشا «شاتتىق ورداسى» دەگەن ماعىنا بەرەدى. 1997 - جىلدان باستاپ جۇرگىزىلپ كەلە جاتقان قىتايدىڭ ەڭ ىقپالدى تەلەباعدارلامالارىنىڭ ءبىرى. بۇعان دەيىن باعدارلامادا دەۆيد بەكحام، شەين باتتە سىندى الەمدىك جۇلدىزدار قوناقتا بولعان.
اۆتور: ريزابەك نۇسىپبەك ۇلى
