كاسپي جولبارىستارى قازاقستانعا قايتا ورالماق
عالىمدار قازاقستان اۋماعىندا جويىلعان جىرتقىشتاردى رەينترودۋكسيالاۋ ءۇشىن قورىق وبلىسىن جاساۋدى جوسپارلاۋدا. گەنەتيكالىق ساراپتامانىڭ كومەگىمەن عالىمدار د ن ق قۇرىلىمى بويىنشا كاسپيلىك جولبارىسقا ءسىبىر جولبارىسىنىڭ جاقىن كەلەتىنىن انىقتاعان. الايدا ولار قازاقستاندا ءومىر سۇرە المايدى، سوندىقتان ولاردى امۋرلىققا اۋىستىرۋ شەشىمى قابىلداندى.
«ورتالىق ازياداعى جولبارىستاردى رەسەيدىڭ قيىر شىعىسىنداعى امۋرلىق جولبارىستارمەن رەينترودۋكتسيالاۋ يدەياسى 10 جىل بويى تالقىلاندى. قازاقستان ۇكىمەتى بۇل جوسپاردى 2010 -جىلى قولدادى، - دەيدى زەرتتەۋلەر اۆتورىنىڭ ءبىرى ميحايل پالتسىن. - الايدا باعدارلامانى باستاماس ءۇشىن جولبارىستاردىڭ مەكەندەيتىن جەرىن تابۋ مەن ءتۇرلى سەناريدەگى رەينترودۋكتسيالاۋدىڭ مۇمكىن شەشىمدەرىن جاقسىلاپ زەرتتەۋ ءۇشىن مىقتى عىلىمي قور قاجەت بولدى».
عىلىمي ادەبيەتتەردى ۇزاق ۋاقىت بويى زەرتتەگەننەن كەيىن عالىمدار كاسپيلىك جولبارىستاردىڭ وزەن مەن بۇلاققا جاقىن 800-900 مىڭ شارشى شاقىرىمداي اۋماقتا ءومىر سۇرگەندىگىن انىقتادى. وسى دەرەكتەرگە سۇيەنە وتىرىپ، ماماندار جىرتقىشتار ءۇشىن قولايلى دەپ ىلە وزەنىنىڭ ماڭىن اتادى. جوبا 25 جىلعا جوسپارلانعان.
