استانادا مۇمكىندىگى شەكتەۋلى جاندار جۇمىسقا كۆوتا بويىنشا ورنالاسا الادى

ماسەلەن، 50-دەن 100 ادامعا دەيىن - 2 پايىز؛ 100-دەن 250 ادامعا دەيىن - 3 پايىز؛ 251-دەن جوعارى - 4 پايىز.
سونىمەن قاتار، جۇمىس ورىندارىنا كۆوتا پروباتسيا قىزمەتىندە ەسەپتە تۇرعان تۇلعالارعا، باس بوستاندىعىنان ايىرۋ ورىندارىنان بوساتىلعان تۇلعالارعا، كامەلەتتىك جاسقا تولعانعا دەيىن اتا- اناسىنان ايىرىلعان نەمەسە اتا- انالارىنىڭ قامقورلىعىنسىز قالعان جاستار قاتارىنداعى ءبىلىم بەرۋ ۇيىمدارىنىڭ تۇلەكتەرى بولىپ تابىلاتىن تۇلعالاردى 1 پايىز كولەمىندە جۇمىسقا ورنالاستىرۋ ءۇشىن كۆوتالار بەلگىلەيدى. وسىعان بايلانىستى استانا قالاسىنىڭ جۇمىس بەرۋشىلەرى توقسان سايىن جۇمىس ورىندارىنىڭ سانى مەن كۆوتانى ورىنداۋ تۋرالى مالىمەتتەردى استانا قالاسى اكىمدىگىنىڭ حالىقتى جۇمىسپەن قامتۋ ورتالىعىنىڭ مالىمەتتەردى قابىلداۋ پورتالىنا (www.cz.e-akimat.kz) ەسەپ بەرۋ اقپاراتىن وتكىزۋى ءتيىس.
جۇمىسپەن قامتۋ، ەڭبەك جانە الەۋمەتتىك قورعاۋ باسقارماسىنىڭ باسشىسى ەرمەك وسپانوۆتىڭ ايتۋىنشا، بەكىتىلگەن كۆوتالار الەۋمەتتىك وسال توپتارعا جاتاتىن جاندارعا ەڭبەك نارىعىندا ءوز ورنىن تابۋعا مۇمكىندىك بەرەتىن بولادى.
ەسكە سالايىق، 2016 -جىلى جۇمىس تابا الماي جۇرگەن 599 مۇمكىندىگى شەكتەۋلى تۇلعا الەۋمەتتىك قورعاۋ شارالارىمەن قامتىلدى. سونىڭ ىشىندە 238 ادام ەڭبەككە ورنالاستىرىلدى، تولەنەتىن قوعامدىق جۇمىسقا 355 ادام قاتىستى جانە دايارلاۋ، قايتا دايارلاۋ، بىلىكتىلىكتى ارتتىرۋ وقۋلارىنان 6 ادام ءوتتى.