شىمكەنتتە ءوز-ءوزىن توناعاندار اشكەرە بولدى - فوتو

جۇك كولىگى جۇرگىزۋشىسى الماتى- تاشكەنت- تەرمەز تاس جولىندا فولكسۆاگەن- گولف ماشيناسىنداعى بەلگىسىز توپ 60 ميلليوننىڭ تەمەكىسىن توناپ كەتكەنىن ايتقان.
تەمەكى سالىنعان 50 قوراپتى العان كۇدىكتىلەر ەلەكتروشوكەر قولدانىپ، ۇرىپ-سوققانىن دا كورسەتكەن.
جەدەل ىزدەستىرۋ شارالارى بارىسىندا 1980، 1984، 1985 جانە 1996 -جىلعى تۋىلعان 6 كۇدىكتى قولعا تۇسكەن. ولاردىڭ بارلىعى قىلمىسقا قاتىستىلىعىن مويىنداعان. تەكسەرۋ بارىسىندا جامبىل وبلىسىندا جەكە كومپانيانىڭ قويما مەڭگەرۋشىسى بولعان 1985 -جىلى تۋىلعان كۇدىكتىدەن ءىرى كولەمدە تەمەكى جەتىسپەۋشىلىگى انىقتالعان.
جىمقىرعان تەمەكىلەرىن تولىقتىرۋدى ويلاعان ازامات شىمكەنتكە جونەلتىلەتىن كومپانيا زاتىن جولدا تونالعان بولۋعا ارەكەت جاساعان. قويماداعى زاتى ۇرلانعان بوس قوراپتاردى دا ماشيناعا ارتقان. جۇرگىزۋشىنىڭ ىزىنشە قىلمىستى توپ تا جولعا شىققان. بوس قوراپتارمەن قاتار، تەمەكى قوسىپ ۇرلاعاندار كوپ كەشىكپەستەن، قۇزىرلى ورعانداعىلاردىڭ قۇرىعىنا ءىلىندى. «جۇرگىزۋشىنىڭ قىلمىسقا قاتىستىلىعى تەكسەرىلۋدە» - دەدى پوليتسيا بولىمىندەگىلەر.
ەرلان ءجۇنىسباي ۇلى