استانادا «ۇلى دالا» پاۆيلونى اشىلادى

استانا. قازاقپارات - اعىمداعى جىلى ناۋرىزدىڭ 8- كۇنى ەكسپو-2017 كورمەسى قارساڭىندا «ۇلى دالا» اتتى قازاقستاندىق تاۋارلاردىڭ پاۆيلونى اشىلادى، دەپ حابارلايدى قازاقپارات ءتىلشىسى.
None
None

«اتالعان نىسان ەلوردانىڭ سول جاعالاۋىندا اشىلادى. ءۇش قاباتتى پاۆيلونعا قازاقستانداعى 200-گە تارتا برەندەر قويىلادى. بۇنىڭ بارلىعى - ەكسپورتقا شىعارىلاتىن قازاقستاندىق تاۋارلار. ءبىرىنشى قاباتتا تەك وتاندىق تاۋارلار عانا قويىلادى. ەكىنشى قاباتتا ەۋرازيالىق ەكونوميكالىق وداققا مۇشە بەس مەملەكەتتىڭ ونىمدەرى قويىلسا، ءۇشىنشى قاباتتا دەگۋستاتسيالىق زال بولادى. سول جەرگە كەلگەن قوناقتاردىڭ بارلىعى قازاقستاندىق تاۋارلاردىڭ ءدامىن تاتا الادى»، - دەدى «حالىق ماركاسى» قازاقستاندىق تاۋارلار مەن قىزمەتتەردىڭ ساپاسىن باقىلاۋ جۇيەسى فەدەراتسياسىنىڭ پرەزيدەنتى ريمما تاجىبايەۆا بۇگىن استانادا وتكەن باسپا ءسوز ءماسليحاتىندا.

ايتا كەتەيىك، بۇگىن استانادا جۋرناليستەر اراسىنداعى «سامعاۋ» ۇلتتىق بايقاۋىنىڭ ايماقتىق اتالىمدارى بويىنشا جەڭىمپاز اتانعان جۋرناليستەر ماراپاتتالدى. الداعى ناۋرىز ايىندا ماسكەۋ قالاسىندا بايقاۋدىڭ باس جۇلدەسى - جەڭىل كولىكتى تاپسىرۋ ءراسىمى وتەدى. وعان تاعى 8 جۋرناليست تالاسىپ وتىر.

سول جەردە ەۋرازيالىق ەكونوميكالىق ايماعى كاسىپكەرلەر وداعىنىڭ قازاقستانداعى وكىلى ماريا اناربايەۆا ماسكەۋدە ورنالاسقان قازاقستاندىق پاۆيلوننىڭ ساۋداسى جايىندا ايتىپ بەردى.

اۆتور: ارمان اسقاروۆ

 

  

سوڭعى جاڭالىقتار