20:16, 16 - قاڭتار 2017 | GMT +6
داۋرەن ابايەۆ ۋاقىتشا تىركەۋ تۋرالى زاڭنىڭ نەگىزگى ماقساتى تۋرالى ايتتى
استانا. قازاقپارات - حالىقتى ۋاقىتشا تىركەۋ تۋرالى زاڭ، ەڭ بىرىنشىدەن ءتارتىپ ورناتۋعا باعىتتالعان، - دەيدى اقپارات جانە كوممۋنيكاتسيالار ءمينيسترى داۋرەن ابايەۆ.
«بۇل زاڭ بەلگىلى ءبىر دەڭگەيدە ءتارتىپ ورناتۋعا، كىمنىڭ قايدا تۇراتىنىن انىقتاۋعا باعىتتالعان. ياعني، حالىق زاڭ اياسىندا تىركەلگەنى دۇرىس»، - دەدى ابايەۆ.
اقپارات ءمينيسترى بۇل زاڭدى وزگە ورگان ازىرلەگەنىن، زاڭنىڭ نەگىزگى ماقساتى تۋرالى ايتۋ اقپارات مينيسترلىگىنىڭ مىندەتىنە جاتپايتىندىعىن، دەگەنمەن زاڭنىڭ باستى ماقساتى - سالىق جيناۋ ەمەس ەكەنىن ايتتى.
«بۇل تۇستارىن تۇگەندەۋ ءبىزدىڭ مىندەتىمىز بولماسا دا، زاڭنىڭ ءبىرىنشى كەزەكتەگى ماقساتى - بەلگىلى ءبىر دەڭگەيدە ءتارتىپ ورناتۋ ەكەنىن جانە سالىق جيناۋ سياقتى وزگە جاسىرىن تاسىلدەر جوق ەكەنىن سەنىممەن ايتا الامىن»، - دەدى داۋرەن ابايەۆ.
