جۇپتىق مانەرلەپ سىرعاناۋدىڭ ۋنيۆەرسيادا باعدارلاماسىنان نە ءۇشىن الىنعانى انىقتالدى

الماتى. قازاقپارات - جۇپتىق مانەرلەپ سىرعاناۋ قاتىسۋشىلاردىڭ ازدىعىنا بايلانىستى قىسقى ۋنيۆەرسيادا باعدارلاماسىنان الىندى. بۇل تۋرالى 28- بۇكىل الەمدىك قىسقى ۋنيۆەرسياداعا دايىندالۋ جانە وتكىزۋ جونىندەگى ديرەكتسيا ديرەكتورى نايل نۇروۆ ب ا ق- پەن كەزدەسۋدە ءمالىم ەتتى، دەپ حابارلايدى قازاقپارات ءتىلشىسى.
None
None

ن. نۇروۆتىڭ ايتۋىنشا، حالىقارالىق ستۋدەنتتەر سپورتى فەدەراتسياسى (FISU) سپورتتىڭ بۇل ءتۇرى بويىنشا سايىسقا قاتىسۋشىلاردى جيناي الماعان.

«وكىنىشتىسى، حالىقارالىق ستۋدەنتتەر سپورتى فەدەراتسياسى (FISU) سايىستى ءوز دەڭگەيىندە وتكىزۋ ءۇشىن قاجەتتى قاتىسۋشى سپورتشىلاردى جيناي المادى»، - دەدى اتالعان ديرەكسيا ديرەكتورى.

دەگەنمەن، ول ۋنيۆەرسياداعا قاتىسۋشى سپورتشىلاردىڭ دەڭگەيى جوعارى ەكەنىن جەتكىزدى.

ايتا كەتەيىك، بۇعان دەيىن حالىقارالىق ستۋدەنتتەر سپورتى فەدەراتسياسى تاراپىنان ۋنيۆەرسيادا-2017 باعدارلاماسىنان جۇپتىق مانەرلەپ سىرعاناۋ سايىسىن الىپ تاستاۋ تۋرالى شەشىم قابىلدانعان بولاتىن.

ۋنيۆەرسيادا ديرەكسياسى ديرەكتورىنىڭ ورىنباسارى كاميلا لۇقپانوۆا سايىستىڭ بۇل تۇرىنە بيلەت الىپ قويعانداردىڭ اقشالارى تولىعىمەن قايتارىلاتىنىن جەتكىزگەن ەدى.

اۆتور: الماس مۇقاش ۇلى

 

  

سوڭعى جاڭالىقتار