11:42, 16 - قاڭتار 2017 | GMT +5
بىشكەكتەگى اۋە اپاتى كەزىندە امان قالعان ۇشقىش اۋرۋحاناعا بارا جاتقان جولدا كوز جۇمدى
بىشكەك. قازاقپارات - قىرعىزستان ۇكىمەتى بىشكەك ماڭىندا تۇرىكتىڭ «بوينگ -747» ۇشاعى اپاتقا ۇشىراۋى سالدارىنان قازا تاپقانداردىڭ تۋىستارىنا ارنالعان جەدەل جەلى ۇيىمداستىرادى،

دەپ حابارلادى ق ر ۇكىمەتىنىڭ باسپا ءسوز قىزمەتىنە سىلتەمە جاساپ، «قازاقپارات» ح ا ا مەنشىكتى ءتىلشىسى.
«قازىر وقيعا ورنىندا ماماندار جۇمىس ىستەۋدە. ءورت سوندىرۋشىلەر ءۇيدىڭ ۇستىنە قۇلاعان كەمە سىنىقتارىن تازالاۋدا. وتەماقى تولەنەدى، سوماسى ناقتىلانۋدا»، - دەلىنگەن حابارلامادا.
16- قاڭتاردا ساعات تاڭعى 7.31-دە قىرعىزستاننىڭ شۋ وبلىسى سوكۋلۋك اۋدانى داچا- سۋۋ اۋىلى ماڭىنداعى اۋەجايعا جاقىن جەردە گونكونگتەن تۇركياعا بەت العان Turkish Airlines اۋە كومپانياسىنىڭ Boeing-744 جۇك ۇشاعى قۇلادى. سوڭعى دەرەكتەرگە سايكەس اپاتتىڭ سالدارىنان 32 ادام قازا تاپقان. امان قالعان ۇشقىش اۋرۋحاناعا بارا جاتقان جولدا كوز جۇمدى.