يسلام الەمىنىڭ ەكىگە جارىلۋىنا جول بەرۋگە بولمايدى - نازاربايەۆ

دەپ حابارلايدى قازاقپاراتتىڭ ارناۋلى ءتىلشىسى ارنۇر راحىمبەكوۆ ءابۋ- دابيدەن.
كەزدەسۋ بارىسىندا نۇرسۇلتان نازاربايەۆ ەكونوميكا سالاسىنداعى ەكىجاقتى قازاقستان- اراب قارىم- قاتىناستارىنان بولەك استانادا سيريا بويىنشا كونفەرەنسيا وتكىزۋ كەلەشەگى جايىندا دا ايتىپ بەردى.
«بۇل (سيريا جانجالىن رەتتەۋدىڭ استانا پروتسەسسى - اۆتور) ءوتۋى مۇمكىن جانە ول ءبىزدىڭ وسى وڭىردەگى بەيبىتشىلىكتى دامىتۋعا قوسقان ۇلەسىمىز بولادى. مەن يران پرەزيدەنتى مەن ساۋد ارابياسى كورولىمەن ولاردىڭ قارىم- قاتىناستارىن جاقسارتۋ ءۇشىن ارنايى كەلىسسوزدەر جۇرگىزدىم. يسلام الەمىنىڭ ەكىگە جارىلۋىنا جول بەرۋگە بولمايدى. سوندىقتان يسلام ەلدەرىنىڭ، مۇسىلمان مەملەكەتتەرىنىڭ بىرلىگى، بۇل ەلدەردىڭ عىلىمي- تەحنيكالىق پروگرەسكە، ينۆەستيتسياعا، يننوۆاتسياعا جۇمىس ىستەيتىن يسلامعا بەيىم مەملەكەتتەرگە باعدارلانۋى - بۇل ءبىزدىڭ جولىمىز. ءبىر كەزدەرى يسلام الەمى عىلىم مەن تەحنيكادا بۇكىل عالامشاردى باسقارعان ەدى. ءبىز پروگرەسسكە، عىلىم مەن بولاشاققا باعدارلانۋىمىز قاجەت»، - دەدى نۇرسۇلتان نازاربايەۆ.
قازاقستان پرەزيدەنتى امىرلىك تارابىن تاۋەلسىزدىكتەرىنىڭ 45 جىلدىعىمەن قۇتتىقتاپ، تاياۋدا اۋعانستاندا ورىن العان تەراكتىدە ب ا ءا ازاماتىنىڭ قازا بولۋىنا بايلانىستى كوڭىل ايتتى.
نازاربايەۆتىڭ اتاپ وتۋىنشە، بىرىككەن اراب امىرلىكتەرى قازاقستانمەن تاۋار اينالىم كولەمى بويىنشا ءوڭىر ەلدەرى اراسىندا ءبىرىنشى ورىندا تۇر.
«بۇل كورسەتكىش وتكەن جىلى 2015 -جىلمەن سالىستىرعاندا 3 ەسەدەن استامعا ارتتى. تولىقتاي العاندا، ءبىزدىڭ ەلىمىز تاۋەلسىزدىك العان ساتتەن بەرى بىرىككەن اراب امىرلىكتەرىنەن كەلگەن تىكەلەي ينۆەستيتسيانىڭ جالپى كولەمى شامامەن 2 ميلليارد دوللارعا جەتتى. قازاقستاندا امىرلىك كاپيتالىنىڭ قاتىسۋىمەن شامامەن 200 بىرلەسكەن كاسىپورىن جۇمىس ىستەيدى. اۋىل شارۋاشىلىعى، مەتاللۋرگيا جانە ەنەرگەتيكادا جوبالار جۇزەگە اسىرىلۋدا. مۋبادالا مەملەكەتتىك ينۆەستيتسيالىق كومپانياسىمەن تىعىز بايلانىس ورناتىلعان. يادرولىق ەنەرگەتيكا جونىندەگى ۇلتتىق كورپوراتسيامەن ىنتىماقتاستىق بەلسەندى دامۋدا»، - دەدى نازاربايەۆ.
كەزدەسۋ سوڭىندا ب ا ءا- نىڭ ىسكەرلىك ورتا وكىلدەرى نۇرسۇلتان نازاربايەۆقا جەكە كەزدەسۋ مۇمكىندىگىن بەرگەنى ءۇشىن شىنايى ريزاشىلىقتارىن ءبىلدىردى.